Connect with us

បាល់ទាត់អន្តរជាតិ

Jamie Carragher លើក​ឡើង​ថា Messi ល្អ​ជាង​កីឡាករ​ណាៗ​ទាំង​អស់​រួម​ទាំង Pele, Johan Cruyff និង Maradona

Published

on

វីរ​បុរស​របស់​ក្លឹប​ហង្សក្រហម Liverpool លោក Jamie Carragher បាន​ចាត់​ទុក​តារាឆ្នើម Lionel Messi របស់​ក្លឹប Paris Saint-Germain ជា​កីឡាករ​ដ៏​អស្ចារ្យ​បំផុត​មិន​ធ្លាប់​មាន​ក្នុង​ពិភព​បាល់ទាត់។ Carragher បាន​និយាយ​បែប​នេះ ខណៈ​ដែល Messi រក​បាន​មួយ​គ្រាប់ ក្នុង​ការ​ប្រកួត UEFA Champions League របស់ PSG ក្នុង​លទ្ធផល 1-1 ទល់​នឹង Benfica កាល​ពី​រំលង​អាធ្រាត​យប់មិញ​នេះ។

អតីត​ខ្សែ​ការពារ​ក្រុម​ជម្រើស​ជាតិ​អង់គ្លេស Jamie Carragher យល់​ថា Lionel Messi ស្ថិត​ក្នុង​ចំណាត់​ថ្នាក់​នាំ​មុខ​កីឡាករ​ល្អៗ​ជា​ច្រើន​ទៀត​ក្នុង​ពិភព​បាល់ទាត់​ដែល​មាន​ដូច​ជា Pele, Johan Cruyff និង Diego Maradona។

ដូចគ្នា​នេះ​ដែរ Lionel Messi បាន​ចាប់ផ្តើម​រដូវកាល​ដ៏​អស្ចារ្យ​ជាមួយ PSG នៅ​រដូវកាល​នេះ ដោយ​រក​បាន​គ្រាប់​បាល់ 8 គ្រាប់ និង​បញ្ជូន​បាល់ (Assists) ជា​ច្រើន​ទៀត​ក្នុង​ការ​បង្ហាញ​ខ្លួន 13 ប្រកួត​របស់​ខ្លួន។ បន្ថែម​ពី​នោះ Messi ជា​ប្រធាន​ក្រុម​ជម្រើស​ជាតិ​អាហ្សង់ទីន​ដែល​នឹង​ដឹកនាំ​ប្រទេស​របស់​គាត់ ទៅ​កាន់​ការ​ប្រកួត FIFA World Cup ឆ្នាំ 2022 នៅ​កាតា​ចុង​ឆ្នាំ​នេះ​ផង​ដែរ។

Carragher បាន​និយាយ​តាមរយៈ CBS Sports Golazo ថា៖ “គាត់ (Messi) គឺ​ជា​កីឡាករ​ល្អ​បំផុត​ដែល​យើង​​បាន​ឃើញ។ ពី​មុន​មក​មាន​កីឡាករ​ដ៏​អស្ចារ្យ​ជា​ច្រើន ជាក់​ស្តែង​ដូច​ជា Pele, Johan Cruyff និង Maradona។ ប៉ុន្តែ​ខ្ញុំ​អាច​និយាយ​បាន​ថា Lionel Messi គឺ​ជា​​កីឡាករ​​ដ៏​អស្ចារ្យ​បំផុត​ដែល​មិន​ធ្លាប់​មាន​ពីមុន​មក​ក្នុង​ពិភព​បាល់ទាត់”។

លោក​​បាន​បន្ថែម​ថា៖ “ប្រហែល​គាត់​មិនមែន​ស្ថិត​ក្នុង​ក្រសែ​ភ្នែក​របស់​អ្នក​រាល់​គ្នា​ទេ ព្រោះ​ស្ទើរ​តែ​គ្រប់​គ្នា​យល់​​ថា គាត់​ត្រូវ​តែ​ឈ្នះ World Cup។ សម្រាប់​ខ្ញុំ ខ្ញុំ​មិន​ទាមទារ​អ្វី​ផ្សេង​ទៀត​ទេ សម្រាប់​កីឡាករ​អាហ្សង់ទីន Lionel Messi រឺ​ទាម​ទារ​ការ​ឈ្នះ World Cup”…។

ប្រភព: Dailypost NG

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២