បាល់ទាត់អន្តរជាតិ
Verratti និយាយថា Messi ធ្វើអ្វីដែលកីឡាករផ្សេងទៀតមិនអាចធ្វើបាន
ខ្សែបម្រើ Marco Verratti បានចាត់ទុកមិត្តរួមក្រុម Paris Saint-Germain របស់គាត់គឺ Lionel Messi ជាកីឡាករល្អបំផុតក្នុងប្រវត្តិសាស្ត្របាល់ទាត់ បន្ទាប់ពីខ្សែប្រយុទ្ធរូបនេះបានស៊ុតគ្រាប់បាល់បើកឆាកនៅក្នុងការប្រកួតរបស់ពួកគេដោយបញ្ចប់ទៅក្នុងលទ្ធផលស្មើ 1-1 នៃការប្រកួតក្របខណ្ឌ UEFA Champions League ជាមួយ Benfica កាលពីរំលងអាធ្រាតយប់មិញនេះ។
ជាមួយគ្នានេះដែរ អ្នកចាំទី Gianluigi Donnarumma បានធ្វើការសង្គ្រោះបាល់ដ៏អស្ចារ្យចំនួនពីរដង ក្នុងរយៈពេល 18 នាទីដំបូងនៃការប្រកួត ដើម្បីរក្សាពិន្ទុនៅ 0-0។ ប៉ុន្មាននាទីក្រោយមក Kylian Mbappe, Neymar Jr និង Messi បានសហការគ្នា ដើម្បីរកគ្រាប់បាល់ដំបូងបំផុតសម្រាប់ក្លឹប PSG ដែលវាជាការស៊ុតបញ្ចូលទីដ៏អស្ចារ្យចេញពីជើង Lionel Messi។
ដោយឡែក Benfica បានតាមស្មើវិញនៅនាទីទី 41 តាមរយៈគ្រាប់បាល់ចូលទីខ្លួនឯងពីខ្សែការពារ Danilo Pereira ហើយការប្រកួតបានបញ្ចប់ក្នុងលទ្ធផល 1-1 បន្ទាប់ពីក្រុមទាំងពីរមិនអាចបន្ថែមគ្រាប់បាល់បានរៀងៗខ្លួន។
ទោះបីជាយ៉ាងណា Messi បានធ្វើគ្រប់យ៉ាងដែលគាត់អាចធ្វើបាន ដើម្បីជួយក្រុមរបស់គាត់នៅក្នុងការប្រកួតនោះ។ ឱកាសពីរដែលគាត់បានបង្កើត នៅក្នុងតង់ទីពីរ ដែលផ្ដល់ទៅឲ្យ Achraf Hakimi នៅនាទីទី 61 និងសម្រាប់ Mbappe នៅ 8 នាទីបន្ទាប់ពីនោះមក។ ទាំងនេះត្រូវបានមជ្ឈដ្ឋានបាល់ទាត់មើលឃើញថា Lionel Messi នៅតែលេចធ្លោរបំផុត ខណៈដែលបច្ចុប្បន្នគាត់មានវ័យ 35 ឆ្នាំទៅហើយក្ដី។
ថ្លែងបន្ទាប់ពីការប្រកួតពេញម៉ោងបញ្ចប់ទៅ Verratti បានសរសើរចំពោះមិត្តរួមក្រុមរបស់ខ្លួន Lionel Messi ដោយនិយាយថា៖ “វាពិតជាមិនគួរឲ្យជឿ។ អ្វីដែល Messi ធ្វើ អ្នកមិនដែលធ្លាប់ធ្វើវាបានឡើយ។ នោះគឺជារឿងសាមញ្ញ ដែលអ្នកធ្លាក់ក្នុងក្ដីស្រឡាញ់ទៅលើគាត់។ សម្រាប់ខ្ញុំដែលស្រឡាញ់បាល់ទាត់ គាត់ជាគម្រូ, គាត់ល្អបំផុតក្នុងប្រវត្តិសាស្ត្រ”។
ប្រភព: Sportskeeda
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
