បាល់ទាត់អន្តរជាតិ
Barcelona កំពុងតាមដានខ្សែបម្រើជិតផុតកុងត្រាបីរូប នៅក្របខណ្ឌ Premier League
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងតាមដានយ៉ាងយកចិត្តទុកដាក់លើស្ថានភាពរបស់ Youri Tielemans, N’Golo Kante និង Ilkay Gundogan ដែលសុទ្ធតែជាកីឡាករដែលជិតផុតកុងត្រាជាមួយក្លឹបបច្ចុប្បន្នរបស់ខ្លួន។
កុងត្រារបស់ខ្សែបម្រើ Youri Tielemans ជាមួយ Leicester City នឹងត្រូវផុតកំណត់នៅចុងខែមិថុនាឆ្នាំនេះ ខណៈដែល Kante ក៏នឹងផុតកុងត្រាបច្ចុប្បន្នរបស់ខ្លួនជាមួយ Chelsea នៅចុងបញ្ចប់នៃរដូវក្តៅឆ្នាំក្រោយ។
ជាមួយគ្នានៃដែរ Ilkay Gundogan គឺជាកីឡាករម្នាក់ទៀតដែលនឹងត្រូវផុតកុងត្រានៅចុងបញ្ចប់នៃរដូវកាលឆ្នាំ 2022-23 ដោយក្លឹប Manchester City មិនទាន់បានចរចាឲ្យគាត់យល់ព្រមលើការបន្តកុងត្រាថ្មីនៅឡើយទេ។
យោងតាមសារព័ត៌មាន Sport បានឲ្យដឹងថា ក្លឹប Barcelona កំពុងយកចិត្តទុកដាក់ជាពិសេសចំពោះទីផ្សារដោះដូរកីឡាករដែលនឹងបើកឡើងវិញនៅខែមករាឆ្នាំ 2023 និងផ្ដល់ឱកាសដល់ពួកគេក្នុងការនាំយកកីឡាករចំណូលថ្មីដោយមិនចាំបាច់ចំណាយប្រាក់ផ្ទេរ។ ខ្សែបម្រើបីរូបដែលមាន Youri Tielemans, Kante និង Gundogan ត្រូវបានគេមើលឃើញថា ជាជម្រើសដ៏ពិតប្រាកដរបស់ Barcelona។
របាយការណ៍ដដែលនេះក៏បានអះអាងថា ក្លឹបយក្សកាតាឡាន់ Barcelona បានទាក់ទងជាមួយអ្នកតំណាងរបស់ Kante អស់រយៈពេលជាច្រើនខែមកហើយ ដើម្បីពិភាក្សាអំពីការផ្ទេរខ្សែបម្រើសញ្ជាតិបារាំងរូបនេះទៅកាន់ទឹកដី Camp Nou។
ប្រភព: Sportsmole
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ1 day ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan