គ្រូ Wolverhampton អះអាង​ថា Ruben Neves សមនឹង​លក់​ចេញ​ក្នុង​តម្លៃ 100 លានផោន

អ្នក​ចាត់ការ​ទូទៅ​របស់​ក្លឹប Wolverhampton Wanderers លោក Bruno Lage បាន​លើក​ឡើង​ដោយ​សង្កត់​ធ្ងន់​ថា គាត់​ជឿជាក់​លើ​ខ្សែបម្រើ Ruben Neves ដោយ​រូប​គេ គួរតែ​ត្រូវ​បាន​លក់​ចេញ​ក្នុង​តម្លៃ 100 លានផោន។

យ៉ាង​ណា​មិញ កីឡាករ​វ័យ 25 ឆ្នាំ Ruben Neves បាន​ត្រៀមខ្លួន​រួច​ជាស្រេច ក្នុង​ការ​ផ្ទេរ​ចេញ​ពី​ក្លឹប​បច្ចុប្បន្ន​របស់​ខ្លួន ដើម្បី​ទទួល​បាន​បទពិសោធន៍​ថ្មី​ដែល​ស្ថិត​នៅ​កម្រិត​ខ្ពស់​ជាង​មុន។ លើស​ពី​នេះ​ទៅ​ទៀត មាន​របាយ​ការណ៍​មួយ​ចំនួន​បាន​លើក​ឡើង​ថា ក្លឹប​បិសាចក្រហម Manchester United គឺ​ជា​ក្លឹប​មួយ ក្នុង​ចំណោម​ក្លឹប​ធំៗ​ផ្សេង​ទៀត កំពុង​ត្រៀម​ចង់​ធ្វើ​ការ​ចុះហត្ថលេខា​លើ​គាត់​នៅ​រដូវក្តៅ​នេះ ប្រសិន​បើ​តម្លៃ​ផ្ទេរ អាច​ទទួល​យក​បាន។

ទោះ​ជា​យ៉ាងណា​ក៏ដោយ ក្លឹប​បិសាចក្រហម Manchester United កំពុង​ផ្តោត​លើ​ការ​នាំ​យក Declan Rice របស់ West Ham ខណៈ​ដែល​ចំណាប់​អារម្មណ៍​របស់​ពួក​គេ​លើ Ruben Neves ស្ថិត​នៅ​ជម្រើស​បន្ទាប់។

កីឡាករសញ្ជាតិ​ព័រទុយហ្គាល់ Ruben Neves នៅ​មាន​កុងត្រា​ពីរឆ្នាំ​ប៉ុណ្ណោះ​ជា​មួយ Wolverhampton ដែល​អាច​ជា​ឱកាស​ចុងក្រោយ​ដ៏​ល្អ​បំផុត​មួយ​របស់ Wolves ក្នុង​ការ​លក់​គាត់​ចេញ ជា​មួយ​នឹង​តម្លៃ​ខ្លួន​ដែល​អាច​នឹង​ថ្លៃ​ដូច​ការ​ចង់​បាន​ផង​ដែរ។

ប្រភព: 90 Min