Zidane លើក​ឡើង​ថា Karim Benzema គឺ​ជា​ខ្សែប្រយុទ្ធ​ដ៏​ល្អ​បំផុត​របស់​បារាំង

អតីត​គ្រូ​បង្វឹក​លោក Zinedine Zidane បាន​លើក​ឡើង​ពី​ការ​យល់​ឃើញ​របស់​គាត់​ថា Karim Benzema គឺ​ជា​ខ្សែប្រយុទ្ធ​ល្អ​បំផុត​របស់​បារាំង។

យ៉ាង​ណា​មិញ​កីឡាករ​វ័យ 34 ឆ្នាំ Karim Benzema បាន​ឈ្នះពានរង្វាន់ Ballon d’Or សម្រាប់​ឆ្នាំ 2022 នេះ​កាល​ពី​យប់​ថ្ងៃ​ច័ន្ទ​កន្លង​ទៅ​ថ្មីៗ​នេះ។ Karim Benzema បាន​ឈ្នះពាន​នេះ​បន្ទាប់​ពី​បង្ហាញ​ទម្រង់​លេង​ដ៏​ល្អ​ជាមួយ Real Madrid កាល​ពី​រដូវកាល​មុន ដោយ​ស៊ុត​បញ្ចូលទី​បាន 44 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន 15 ដង ក្នុង​ការ​បង្ហាញ​ខ្លួន 46 ប្រកួត។

នៅ​ពេល​ត្រូវ​បាន​គេ​សួរ​ថា Benzema ជា​ខ្សែ​ប្រយុទ្ធ​ល្អ​បំផុត​ក្នុង​ប្រវត្តិសាស្ត្រ​របស់​បារាំង​រឺ​យ៉ាង​ណា? ពេល​នោះ Zidane បាន​និយាយ​ថា៖ “ខ្ញុំ​​មិន​​និយាយ​ថា គាត់​ល្អ​បំផុត​នោះ​ទេ ព្រោះ​គ្រប់​គ្នា​​មាន​​កីឡាករ​ដែល​ខ្លួន​ពេញ​ចិត្ត។ អ្នកខ្លះ​នឹង​ប្រាប់​ថា ខ្សែប្រយុទ្ធ​ល្អ​បំផុត​គឺ Jean-Pierre Papin… អ្នកផ្សេង​ទៀត​នឹង​ប្រាប់​អ្នក​អំពី Michel Platini… ប៉ុន្តែ​សម្រាប់​ខ្ញុំគឺ Karim Benzema ព្រោះ​ខ្ញុំ​ធ្លាប់​បាន​ធ្វើការ​ជាមួយ​គាត់ ហើយ​ខ្ញុំ​ដឹង​ពី​សមត្ថភាព​របស់​គាត់”។

ប្រភព: 90 Min