បាល់ទាត់អន្តរជាតិ
ក្លឹបបិសាចក្រហម Manchester United ត្រៀមចុះហត្ថលេខាលើអ្នកចាំទីចំណូលថ្មីនៅរដូវកាលក្រោយ
ក្លឹបបិសាចក្រហម Manchester United ត្រូវបានគេរាយការណ៍ថា កំពុងស្វែងរកអ្នកចាំទីថ្មីមួយរូប។ មួយក្នុងចំណោមកីឡាករពីររូបដែលពួកគេកំពុងសម្លឹងមើលនោះគឺ Diogo Costa របស់ក្លឹប FC Porto និងអ្នកចាំទី Unai Simon របស់ក្លឹប Athletic Bilbao ដែលការផ្ទេរអាចនឹងដំណើរការនៅរដូវកាលក្រោយ។
យ៉ាងណាមិញ David de Gea នៅតែជាជម្រើសដំបូងរបស់ក្លឹប ប៉ុន្តែកុងត្រារបស់កីឡាករវ័យ 31 ឆ្នាំរូបនេះនឹងត្រូវផុតកំណត់នៅចុងបញ្ចប់នៃរដូវកាលនេះ ហើយគ្រូបង្វឹករបស់ក្លឹបបិសាចក្រហមលោក Erik ten Hag បានបដិសេធ មិនធានាថា អ្នកចាំទីរូបនេះនៅតែជាដៃទីមួយរបស់ក្លឹបនោះឡើយ ប្រសិនបើគាត់អាចស្វែងរកជម្រើសផ្សេងទៀតដែលប្រសើរជាង De Gea។
ដោយឡែក Dean Henderson នឹងត្រឡប់មក Old Trafford វិញនៅឆ្នាំក្រោយ បន្ទាប់ពីការខ្ចីជើងរបស់គាត់នៅ Nottingham Forest ចប់ ប៉ុន្តែរបាយការណ៍ជាច្រើនបានអះអាងថា ក្លឹបបិសាចក្រហមនឹងលក់ផ្ដាច់កុងត្រាអ្នកចាំទីរូបនេះ។
Diogo Costa ដែលបច្ចុប្បន្នមានវ័យ 23 ឆ្នាំកំពុងបង្ហាញនូវទម្រង់លេងដ៏គួរឲ្យចាប់អារម្មណ៍សម្រាប់ក្លឹប FC Porto អំឡុងឆ្នាំ 2022-2023 នេះ ដោយរក្សាបាន Clean Sheet ចំនួន 8 ដងក្នុងការបង្ហាញខ្លួន 15 ប្រកួតរបស់ខ្លួន។ ទន្ទឹមនឹងនេះដែរ Unai Simon របស់ក្លឹប Athletic Bilbao ក៏មិនធម្មតាដែរ ដោយគាត់បានរក្សា Clean Sheet ចំនួន 4 ដង ក្នុងការបង្ហាញខ្លួន 11 ប្រកួតនៅដើមរដូវកាលនេះ។
ប្រភព: Sportsmole
រឿងពិតទាំង 8 កីឡាករល្បីទាំង 2 របស់បាសេឡូណា
សង្ខេបព្រឹត្តិការណ៍សំខាន់ៗនៃការប្រកួត Madrid Derby
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
