បាល់ទាត់អន្តរជាតិ
Real Madrid នៅតែរក្សាកូនចិត្តចង់ចុះហត្ថលេខាលើខ្សែប្រយុទ្ធ Gabriel Jesus
ក្លឹបអធិរាជស Real Madrid ត្រូវបានគេរាយការណ៍ថា នៅតែចាប់អារម្មណ៍ក្នុងការចុះហត្ថលេខាលើខ្សែប្រយុទ្ធ Gabriel Jesus របស់ក្លឹបកាំភ្លើងធំ Arsenal។ ក្លឹបម្ចាស់ជើងឯកនៅអេស្ប៉ាញ Real Madrid ធ្លាប់មានពាក្យចចាមអារ៉ាមចង់បាន Gabriel Jesus តាំងពីគាត់នៅជាកីឡាកររបស់ក្លឹប Manchester City មកម្ល៉េះ។
ជាការពិតណាស់ បច្ចុប្បន្នខ្សែប្រយុទ្ធកណ្ដាល Karim Benzema មានវ័យ 34 ឆ្នាំទៅហើយ ដែលនេះជាពេលវេលាដ៏សមហេតុផលបំផុតសម្រាប់ក្លឹបក្នុងការស្វែងរកខ្សែប្រយុទ្ធចំណូលថ្មីដែលអាចជំនួសតំណែងរបស់ Karim Benzema។
កាលពីរដូវកាលឆ្នាំ 2019 ក្លឹប Real Madrid ធ្លាប់បានចុះហត្ថលេខាលើ Luka Jovic ពីក្លឹប Eintracht Frankfurt ប៉ុន្តែសមត្ថភាពរបស់ខ្សែប្រយុទ្ធរូបនោះមិនស្ថិតដល់កម្រិតដែលក្លឹបចង់បានឡើយ ហើយពួកគេក៏បានឲ្យ Luka Jovic ចាកចេញទៅ Fiorentina ដោយគ្មានតម្លៃខ្លួន។
បច្ចុប្បន្ន Gabriel Jesus នៅមានកុងត្រាជាមួយក្លឹបកាំភ្លើងធំ Arsenal រហូតដល់ឆ្នាំ 2027 ប៉ុន្តែបើយោងតាមរបាយការណ៍ពី Fichajes បានឲ្យដឹងថា ក្លឹប Real Madrid ពិតជាបន្តការចាប់អារម្មណ៍លើការផ្ទេរខ្សែប្រយុទ្ធរូបនេះ ហើយអ្វីៗអាចនឹងកើតឡើងនៅខែមករាខាងមុខ រឺនៅរដូវកាលក្រោយ។
ប្រភព: Sportsmole
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
Barcelona ចង់លក់ខ្សែការពារឆ្នើមមួយរូប ដើម្បីជួយដល់សង្គ្រោះស្ថានភាពហិរញ្ញវត្ថុរបស់ក្លឹប