Connect with us

បាល់ទាត់អន្តរជាតិ

Kaka ប្រាប់​ឈ្មោះ​ប្រទេស 3 ដែល​ខ្លួន​គិត​ថា នឹង​អាច​លើក​ពាន World Cup ឆ្នាំ​នេះ

Published

on

Kaka ដែល​ជា​អតីត​ខ្សែបម្រើ​ប្រយុទ្ធ​ឆ្នើម​របស់​ក្លឹប​អធិរាជ​ស Real Madrid និង​ក្លឹប AC Milan បាន​ចុច​ឈ្មោះ​ប្រទេស​ចំនួន 3 ដែល​មាន ប្រេស៊ីល បារាំង និង​អាហ្សង់ទីន ជា​ក្រុម​ដែល​គាត់​គិត​ថា នឹង​អាច​មាន​ឱកាស​ឈ្នះពាន FIFA World Cup ឆ្នាំ 2022 នៅ​ប្រទេស​កាតា។

លើស​ពី​នេះ​ទៀត Kaka ក៏​​បាន​និយាយ​បន្ថែម​ថា ក្រុម​ជម្រើស​ជាតិ​ស៊ែប៊ី ក៏​ជា​ក្រុម​មួយ​ដែល​មាន​​សក្តានុពល​នៅ World Cup ឆ្នាំ​នេះ​ដែរ។

យ៉ាង​ណា​មិញ ការ​ប្រកួត​បាល់ទាត់​ពិភពលោក​ឆ្នាំ 2022 នៅ​សល់​ត្រឹមតែ 10 ថ្ងៃ​ទៀត​ប៉ុណ្ណោះ ដែល​នឹង​ចាប់ផ្តើម​ឡើង​នៅ​ថ្ងៃទី 20 ខែ​វិច្ឆិកា នេះ​ហើយ ដោយ​ក្រុម​ដែល​ប្រកួត​បើក​ឆាក គឺ​ម្ចាស់​ផ្ទះ​កាតា ប៉ះ​ជាមួយ​អេក្វាឌ័រ។

គួរ​ដឹង​ផង​ដែរ​ថា ក្រុម​ជម្រើស​ជាតិ​ប្រេស៊ីល​ស្ថិត​ក្នុង​ពូល G ជាមួយ​នឹង ស៊ែប៊ី, ស្វីស និង​កាមេរូន។ សម្រាប់​ក្រុម​ជម្រើស​ជាតិ​អាហ្សង់ទីន ស្ថិត​ក្នុង​ពូល C ជាមួយ អារ៉ា​ប៊ីសា​អូឌីត, ម៉ិកស៊ិក និង​ប៉ូឡូញ។ ដោយ​ឡែក​ក្រុម​ជម្រើស​ជាតិ​បារាំង​ស្ថិត​ក្នុង​ពូល D ជាមួយ​នឹង​ប្រទេស​អូស្ត្រាលី, ដាណឺម៉ាក និង​ទុយណេស៊ី។

ប្រភព: Dailypost NG

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២