Connect with us

បាល់ទាត់អន្តរជាតិ

Real Madrid នឹង​ទទួល​យក​សំណើរ​លក់ Marco Asensio ក្នុង​តម្លៃ​ត្រឹមតែ 30 លានអឺរ៉ូ

Published

on

ក្លឹប​ស្ដេចស Real Madrid ប្រហែល​ជា​កំពុង​រក្សា​ជំហរ​របស់​ខ្លួន​ក្នុង​ការ​លក់​ចេញ​ខ្សែ​ប្រយុទ្ធ​ស្លាប​សញ្ជាតិ​អេស្ប៉ាញ Marco Asensio ក្នុង​តម្លៃ​ប្រហែល​ជា 30 លានអឺរ៉ូ​ប៉ុណ្ណោះ នៅ​រដូវក្តៅ​នេះ (នេះ​បើ​យោងតាម​របាយការណ៍​ដែល​ទទួល​បាន​ពី​ប្រទេសអ៊ីតាលី)។

កីឡាករ Marco Asensio បាន​បង្ហាញ​ខ្លួន​ជិត 230 ប្រកួត​សម្រាប់​ក្លឹប Real Madrid ក្នុង​ការ​ប្រកួត​ទាំង​អស់ ខណៈ​ដែល​កុងត្រា​របស់​គាត់ នៅសល់​តែ​មួយ​ឆ្នាំ​ទៀត​ប៉ុណ្ណោះ ដោយ​ការ​ពិភាក្សា​លើ​​កិច្ច​ព្រម​ព្រៀង​ថ្មី​ហាក់​ដូច​ជា​មិន​ត្រូវ​បាន​ក្លឹប​អើពើ​ឡើយ។

យ៉ាង​ណា​មិញ សារព័ត៌មាន Calciomercato បាន​ចុះ​ផ្សាយ​ផង​ដែរ​ថា ក្លឹប Real Madrid នឹង​ពិចារណា​ទឹក​ប្រាក់​នៃ​សំណើរ​ទិញ​ចន្លោះ​ពី 25 លានអឺរ៉ូ ទៅ 30 លានអឺរ៉ូ ហើយ​ក្លឹប AC Milan ក៏​កំពុង​មាន​ការ​ចាប់អារម្មណ៍​ជា​ពិសេស​លើ​កីឡាករវ័យ 26 ឆ្នាំ រូប​នេះ​ផង​ដែរ។

ទន្ទឹម​នឹង​នោះ ក្លឹប​កាំភ្លើង​ធំ Arsenal អាច​នឹង​ស្ថិត​ក្នុង​ការ​ដេញ​ថ្លៃ​សម្រាប់​ខ្សែ​ប្រយុទ្ធ​ស្លាប​រូប​នេះ​​ដែរ ដោយ​ពួក​គេ​មិន​ពេញ​ចិត្ត​នឹង​ទម្រង់​លេង​បច្ចុប្បន្ន​របស់ Nicolas Pepe ឡើយ ហើយ​ចង់​នាំ​យក Asensio មក​ជំនួស​វិញ។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២