Connect with us

បាល់ទាត់អន្តរជាតិ

Roma ត្រៀម​លក់ Tammy Abraham ទៅ​ឲ្យ​ក្លឹប​បិសាចក្រហម Manchester United

Published

on

ក្លឹប​អ៊ីតាលី AS Roma ត្រូវ​បាន​គេ​រាយការណ៍​ថា បាន​ត្រៀម​ខ្លួន​រួច​ជា​ស្រេច ក្នុង​ការ​ចរចា​លក់​ខ្សែប្រយុទ្ធ​របស់​ខ្លួន Tammy Abraham នៅ​ខែ​មករា​ឆ្នាំ​ក្រោយ ខណៈ​ដែល​ខ្សែ​ប្រយុទ្ធ​រូប​នេះ​កំពុង​​ទទួល​បាន​ការ​ចាប់​អារម្មណ៍​ពី​ក្លឹប​បិសាចក្រហម Manchester United។

ដោយ​ឡែក​កីឡាករ​សញ្ជាតិ​អង់គ្លេស Tammy Abraham ធ្លាប់​មាន​ភាព​លេចធ្លោរ​ខ្លាំង​នៅ​ក្របខ័ណ្ឌ Serie A បន្ទាប់​ពី​បាន​ចាកចេញ​ពី​ក្លឹប​តោខៀវ Chelsea នៅ​រដូវក្តៅ​ឆ្នាំ 2021។ រដូវកាល​ដំបូង​ពេលផ្ទេរ​ទៅ​ទឹកដី​អ៊ីតាលី Tammy Abraham ស៊ុត​បញ្ចូលទី​បាន 27 គ្រាប់ ក្នុង​ការ​បង្ហាញ​ខ្លួន 53 ប្រកួត។ ផ្សេង​ពី​នេះ​ទៀត Tammy Abraham ថែម​ទាំង​បាន​ជួយ AS Roma ឲ្យ​ឈ្នះពាន Europa Conference League ថែមទៀត​ផង។

ទោះ​ជា​យ៉ាង​ណា​ក៏​ដោយ កីឡាករ​វ័យ 25 ឆ្នាំ​រូបនេះ​បាន​បរាជ័យ​ក្នុង​ការ​បង្ហាញ​ទម្រង់​លេច​ធ្លោរ​បន្ត​ទៀត ដោយស៊ុត​បញ្ចូលទី​បាន​ត្រឹមតែ 4 គ្រាប់ និង Assist 2 ដង​ប៉ុណ្ណោះ​ក្នុង​ការបង្ហាញ​ខ្លួន 20 ប្រកួត​នៅ​គ្រប់​ព្រឹត្តិការណ៍​ប្រកួត​ទាំងអស់​របស់​ក្លឹប​រដូវកាល​នេះ។

ទន្ទឹម​នឹង​នេះ​ដែរ Abraham មិន​ត្រូវ​បាន​កោះហៅ​ឲ្យ​ចូល​ក្រុម​ជម្រើសជាតិ​អង់គ្លេស​សម្រាប់​ការ​ប្រកួត World Cup ឆ្នាំ 2022 ឡើយ ហើយ​របាយការណ៍​ពី Calciomercato បាន​អះអាង​ថា Roma អាច​នឹង​បើក​លក់​ខ្សែ​ប្រយុទ្ធ​រូប​នេះ​ក្នុង​ខែ​មករា​ខាង​មុខ។ Abraham ដែល​នៅ​ដល់​កុងត្រា​ជាមួយ Roma រហូត​ដល់​ឆ្នាំ 2026 ហើយ​ត្រូវ​បាន​គេ​យល់​ថា ជា​គោលដៅ​នៃ​ការ​ចង់​បាន​របស់ Manchester United ដោយ​ក្លឹប​បិសាចក្រហម​ចង់​នាំ​យក​គាត់​មក​ជំនួស​កន្លែង​របស់ Cristiano Ronaldo។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២