Andres Iniesta ទស្សន៍ទាយ​ ក្លឹប 2 ដែល​នឹង​អាច​ឈ្នះ​ពាន UCL នៅ​ឆ្នាំ​នេះ

អតីត​វីរបុរស​របស់​ក្លឹប Barcelona លោក Andres Iniesta បាន​ទស្សន៍​ទាយ​ក្លឹប​ចំនួន 2 ដែល​គាត់​គិត​ថា អាច​មាន​ឱកាស​ក្នុង​ការ​ឈ្នះ​ពាន​រង្វាន់ UEFA Champions League នៅ​រដូវ​កាល​នេះ។

ដោយ​ឡែក​ការ​ប្រកួត UEFA Champions League សម្រាប់​ឆ្នាំ 2022/2023 វគ្គ 16 ក្រុម​ចុងក្រោយ នឹង​ចាប់​ផ្តើម​ឡើង​នៅ​ខែ​កុម្ភៈ ឆ្នាំ 2023។ សូម​រំលឹក​ផង​ដែរ​ថា Real Madrid ជា​ក្លឹប​ដែល​ធ្លាប់​បាន​ឈ្នះ​ពាន​រង្វាន់ UEFA Champions League កាល​ពី​រដូវកាល​មុន ហើយ​ក៏​ជា​ក្លឹប​ដែល​ឈ្នះពាន​នេះ​ច្រើន​ជាង​គេ​ដែរ។

ទោះ​ជា​យ៉ាង​ណា​ក៏​ដោយ Andres Iniesta បាន​លើក​ឡើង​ថា Manchester City និង Paris Saint-Germain គឺ​ជា​ក្រុម​ខ្លាំង​បំផុត​នៅ​រដូវកាល​នេះ និង​ជា​ក្លឹប​ដែល​អាច​ឈ្នះ UEFA Champions League ផង​ដែរ។

ថ្លែង​ទៅ​កាន់ Marca កីឡាករសញ្ជាតិ​អេស្ប៉ាញ Andres Iniesta បាន​និយាយ​ថា៖ “វា​ពិបាក​ក្នុង​ការ​ទស្សន៍ទាយ​អ្វី​ដែល​អាច​កើត​ឡើង​នៅ​ក្នុង​ការ​ប្រកួត​ទាំង​នោះ ដោយ​ក្រុម​ដែល​ប្រជែង​ទាំងអស់​សុទ្ធតែ​ល្អៗ។ នៅ UEFA Champions League ខ្ញុំ​មើល​ឃើញ Manchester City និង PSG ខ្លាំង។ ខ្ញុំ​គិត​ថា​ពួកគេ​នឹង​អាច​មាន​លទ្ធភាព​ឈ្នះ​វា​បាន”។

ប្រភព: Dailypost