Connect with us

បាល់ទាត់អន្តរជាតិ

Sergio Aguero លើកឡើង​ថា Declan Rice មាន​សមត្ថភាព​ស្មើ​គ្នា​ជាមួយ Busquets និង Casemiro

Published

on

អតីត​វីរ​បុរស​របស់​ក្លឹប Manchester City លោក Sergio Aguero បាន​បង្ហាញ​ពី​ការ​សាទរ​ចំពោះ​ក្លឹប​តោខៀវ Chelsea ដែល​ចង់​ចុះ​ហត្ថលេខា​លើ Declan Rice ហើយ​ថែម​ទាំង​បាន​លើក​ឡើង​ថា ខ្សែបម្រើ​រូបនេះ​ស្ថិត​ក្នុង​កម្រិត​ស្មើ​គ្នា​ជាមួយ​នឹង Sergio Busquets របស់ Barcelona និង Casemiro របស់​ក្លឹប​បិសាចក្រហម Manchester United។

លើស​ពី​នេះ​ទៅ​ទៀត Sergio Aguero ក៏​បាន​និយាយ​ផង​ដែរ​ថា Declan Rice គឺ​ជា​ចំណុច​ខ្លាំង​មួយ​នៃ​ក្រុម​តោ​កំណាច​អង់គ្លេស សម្រាប់​ការ​ប្រកួត​ប្រជែង​​ក្នុង​ព្រឹត្តិការណ៍ FIFA World Cup ឆ្នាំ 2022 នៅ​ប្រទេស​កាតា​ផង​ដែរ។

ជា​ការ​ពិត​ណាស់ ខ្សែ​បម្រើ​សញ្ជាតិ​អង់គ្លេស Declan Rice បាន​ក្លាយ​ជា​កីឡាករ​ដ៏​លេចធ្លោរ​បំផុត​នៅ​ក្នុង​ប្រទេស​របស់​ខ្លួន និង​ជា​កីឡាករ​ដែល​បង្ហាញ​ខ្លួន​បាន​ជាប់លាប់​បំផុត​ក្នុង​ក្របខ័ណ្ឌ Premier League។ ដូចគ្នា​នេះ​ដែរ Declan Rice ក៏​ជា​កីឡាករ​ដែល​ជាប់​ក្នុង​ជម្រើសជាតិ​អង់គ្លេស​រយៈពេល 4 ឆ្នាំ​ជាប់ៗ​គ្នា​ទៀត​ផង ដោយ​លេង​បាន​សរុប 34 ប្រកួត ចាប់​តាំង​ពី​ឆ្នាំ 2019 មក។

និយាយ​ទាក់​ទង​នឹង Declan Rice អតីត​ខ្សែប្រយុទ្ធ​ឆ្នើម Sergio Aguero បាន​ប្រាប់​ទៅ​កាន់ Stake ថា៖ “សម្រាប់​ខ្ញុំ គាត់​ជា​កីឡាករ​ដ៏​អស្ចារ្យ ហើយ​ស្ថិត​ក្នុង​កម្រិត​ដូចគ្នា​ជាមួយ​នឹង​ខ្សែបម្រើ​ល្អ​បំផុត​ដូចជា Busquets, Rodri និង Casemiro”។

ប្រភព: Dailypost NG

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២