Connect with us

បាល់ទាត់អន្តរជាតិ

Zlatan និយាយ​ឌឺ Cristiano Ronaldo ពាក់ព័ន្ធ​នឹង​​សម្ភាសន៍​ជាមួយ​លោក Piers Morgan

Published

on

Zlatan Ibrahimovic ដែល​ត្រូវ​បាន​គេ​ដាក់​ឈ្មោះ​ថា ជា​លោក​ព្រះ​នៅ​ក្នុង​ពិភពបាល់ទាត់​នោះ បាន​បង្ហាញ​ចរិត​​ឌឺ​ដង​របស់​ខ្លួន​ទៀត​ហើយ​កាល​ពី​ពេល​ថ្មីៗ​នេះ ដោយ​គាត់​បាន​និយាយ​ទាក់ទង​នឹង Cristiano Ronaldo ជាមួយ Wayne Rooney។

យើង​បាន​ដឹង​ហើយ​ថា កាល​ពី​ប៉ុន្មាន​ថ្ងៃ​មុន Cristiano Ronaldo បាន​ធ្វើ​បទ​សម្ភាសន៍​ដ៏​ល្បី​មួយ​ជាមួយ​លោក Piers Morgan។ ក្នុង​កិច្ចសម្ភាសន៍​នោះ Cristiano Ronaldo បាន​ព្រលះ​ចំៗ​ទៅ​លើ​ក្លឹប​បិសាចក្រហម Manchester United ក៏​ដូច​ជា​គ្រូ​បង្វឹក​របស់​ខ្លួន​លោក Erik ten Hag។ លើស​ពី​នេះ​ទៀត គាត់​ក៏​បាន​និយាយ​ពី​អតីត​មិត្ត​រួម​ក្រុម Wayne Rooney ដែល​តែងតែ​ស្អប់ និង​ច្រណែន​គាត់​ផង​ដែរ។

យ៉ាង​ណា​មិញ​ប៉ុន្មាន​ថ្ងៃ ក្រោយ​កិច្ចសម្ភាសន៍​ ខ្សែ​ប្រយុទ្ធ Zlatan Ibrahimovic ដែល​ធ្លាប់​ជា​មិត្ត​រួម​ក្រុម​របស់ Rooney ដែរ​នោះ បាន​និយាយ​ថា៖ “អ្នក​ណា​ដែល​លេង​ជាមួយ Rooney គេ​ត្រូវតែ​សប្បាយ​ចិត្ត ព្រោះ​គាត់​បាន​ជួយ​​ពួក​គេ​ឲ្យ​កាន់​តែ​ប្រសើរ​ឡើង។ តែ​នៅ​ពេល​គាត់​លេង​ជាមួយ Cristiano Ronaldo ការងារ​ទាំងអស់​គឺ​គាត់​ជា​អ្នក​សម្រេច​បាន ប៉ុន្តែ Ronaldo ជា​អ្នក​ស៊ុត​បញ្ចូលទី ហើយ​ទទួល​បាន​ការ​សរសើរ​ពី​អ្នកគាំទ្រ”។

ប្រភព: Sportsbrief

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២