បាល់ទាត់អន្តរជាតិ
Erik ten Hag កំពុងស្រមៃចង់បាន Vinicius Jr មកជំនួសកន្លែងរបស់ Cristiano Ronaldo
គ្រូបង្វឹករបស់ក្លឹបបិសាចក្រហម Manchester United លោក Erik ten Hag ត្រូវបានគេរាយការណ៍ថា បានកំណត់គោលដៅចង់បានខ្សែប្រយុទ្ធរបស់ក្លឹប Real Madrid គឺកីឡាករ Vinicius Junior ដែលជាបេក្ខភាពដ៏សាកសមបំផុតសម្រាប់ជំនួសកន្លែងរបស់ Cristiano Ronaldo។
ក្លឹបបិសាចក្រហមត្រូវបានគេបង្ហើបឲ្យដឹងថា កំពុងត្រៀមបញ្ចប់កុងត្រារបស់ Cristiano Ronaldo មុនកំណត់ បន្ទាប់ពីកីឡាករវ័យ 37 ឆ្នាំរូបនេះ បានធ្វើបទសម្ភាសន៍ជាមួយលោក Piers Morgan ដោយវាយប្រហារខ្លាំងៗទៅលើក្លឹបបច្ចុប្បន្នរបស់ខ្លួន Manchester United ហើយត្រូវបានចាក់ផ្សាយលើកញ្ចក់ទូរទស្សន៍ TalkTV កាលពីសប្តាហ៍មុន។
តារាឆ្នើមសញ្ជាតិព័រទុយហ្គាល់រូបនេះ ត្រូវបានគេរំពឹងថា នឹងចាកចេញពីក្លឹបបន្ទាប់ពីការប្រកួត World Cup 2022 បញ្ចប់។ ទន្ទឹមនឹងនេះដែរក្លឹបបិសាចក្រហម នឹងត្រូវស្វែងរកខ្សែប្រយុទ្ធចំណូលថ្មីម្នាក់ទៀត នៅក្នុងទីផ្សារដោះដូរកីឡាករនាខែមករាខាងមុខ។
យោងតាមសារព័ត៌មាន El Nacional បានឲ្យដឹងថា លោក Erik ten Hag មិនមានសង្ឃឹមខ្លាំងក្នុងការនាំយក Vinicius Jr មក Old Trafford ឡើយ ខណៈដែលក្លឹបអធិរាជស Real Madrid បានចាត់ទុកកីឡាករសញ្ជាតិប្រេស៊ីលរូបនេះជាអនាគតវែងឆ្ងាយរបស់ក្លឹប។
ទោះជាយ៉ាងណាក៏ដោយ របាយការណ៍ដដែលនេះដែរបានអះអាងថា ក្លឹបបិសាចក្រហមនឹងមានស្នៀតចុងក្រោយមួយ ដោយផ្ដល់លក្ខខណ្ឌមួយចំនួនដើម្បីឲ្យ Vinicius Jr ពិចារណាចាកចេញពី Bernabeu ដែលវាជាការផ្ដល់ប្រាក់ខែខ្ពស់ជាងប្រាក់ខែបច្ចុប្បន្នរបស់គាត់ និងប្រគល់អាវលេខ 7 ទៅឲ្យខ្សែប្រយុទ្ធរូបនេះទៀតផង។
ប្រភព: Sportsmole
Sevilla កំពុងស្ទាក់ស្ទើរលើឱកាសខ្ចីជើង Ansu Fati ដោយសារហេតុផលសំខាន់ៗ 2
Harry Kane អាចនឹងមានរបួសធ្ងន់ធ្ងរជាងការរំពឹងទុក
Juventus ចង់ដោះដូរកីឡាករ 2 រូប ជាមួយ Joshua Zirkzee របស់បិសាចក្រហម
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ3 days agoReal Madrid ត្រៀមចែកផ្លូវគ្នាជាមួយលោក Carlo Ancelotti
-
បាល់ទាត់អន្តរជាតិ5 days agoUnai Emery បដិសេធមិនឲ្យក្លឹបនាំយកខ្សែបម្រើរូបនេះត្រឡប់មកវិញ
-
បាល់ទាត់អន្តរជាតិ2 days agoMikel Arteta មិនជឿថា Liverpool អាចរក្សាតំណែងកំពូលរបស់ខ្លួនរហូតដល់ចុងបញ្ចប់នៃរដូវកាលនេះនោះទេ
