បាល់ទាត់អន្តរជាតិ
Arsenal បោះបង់ការចង់បាន Youri Tielemans និងបង្វែរចំណាប់អារម្មណ៍មកលើ Leandro Paredes វិញ
ក្លឹបកាំភ្លើងធំ Arsenal ត្រូវបានគេរាយការណ៍ថា បានកំណត់គោលដៅទៅលើខ្សែបម្រើរបស់ក្លឹប Paris Saint-Germain គឺកីឡាករ Leandro Paredes បន្ទាប់ពីអស់សង្ឃឹមក្នុងការនាំយក Youri Tielemans របស់ Leicester City។
យ៉ាងណាមិញ Youri Tielemans ត្រូវបានគេជឿថា ធ្លាប់ជាគោលដៅនៃការចង់បានរបស់ក្លឹបកាំភ្លើងធំជាយូរមកហើយ កាលពីរដូវក្តៅកន្លងទៅ ប៉ុន្តែការកីឡាករវ័យ 25 ឆ្នាំរូបនេះ មិនអាចផ្ទេរទៅកាន់ទឹកដី Emirates បានសម្រេចឡើយ។
បច្ចុប្បន្ន Youri Tielemans បានឈានចូលដល់ឆ្នាំចុងក្រោយនៃកុងត្រារបស់ខ្លួនជាមួយ Leicester City ដែលមានន័យថា គាត់នឹងក្លាយជាកីឡាករដែលគ្មានតម្លៃខ្លួននៅពាក់កណ្ដាលឆ្នាំ 2023 ខាងមុខនេះ។
ទោះជាយ៉ាងណាក៏ដោយ មិនមែនមានតែក្លឹបកាំភ្លើងធំ Arsenal មួយទេ ដែលព្យាយាមក្នុងការប្រជែងដើម្បីចុះហត្ថលេខាលើ Tielemans ដោយមានក្លឹបហង្សក្រហម Liverpool និង Real Madrid ក៏ចាប់អារម្មណ៍លើខ្សែបម្រើឆ្នើមរូបនេះដែរ។ ក្នុងចំណោមក្លឹបទាំង 3 នេះ Arsenal ប្រហែលជាមិនអាចប្រជែងយក Youri Tielemans បានឡើយ ដែលជាហេតុធ្វើឲ្យពួកគេបង្វែរការចាប់អារម្មណ៍របស់ខ្លួនមកលើ Leandro Paredes វិញ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
