បាល់ទាត់អន្តរជាតិ
ក្លឹបបិសាចក្រហម Manchester United ត្រៀមនាំយក Martinez មកជំនួសកន្លែងរបស់ Cristiano Ronaldo
ក្លឹបបិសាចក្រហម Manchester United ត្រូវបានគេរាយការណ៍ថា បានកំណត់គោលដៅទៅលើខ្សែប្រយុទ្ធរបស់ក្លឹប Inter Milan គឺកីឡាករ Lautaro Martinez ដើម្បីក្លាយជាអ្នកជំនួសកន្លែងរបស់ Cristiano Ronaldo ដែលត្រូវបានក្លឹបបញ្ចប់កុងត្រាមុនកំណត់កាលពីប៉ុន្មានថ្ងៃមុន។
ជាការពិតណាស់ ក្នុងបទសម្ភាសន៍រវាង Cristiano Ronaldo ជាមួយលោក Piers Morgan នៅលើទូរទស្សន៍ TalkTV តារាឆ្នើមសញ្ជាតិព័រទុយហ្គាល់រូបនេះបានវាយប្រហារចំៗទៅលើក្លឹបរបស់ខ្លួន ដែលធ្វើឲ្យក្លឹបបិសាចក្រហម ត្រូវបង្ខំចិត្តបញ្ចប់កុងត្រារបស់គាត់នៅ Old Trafford មុនកំណត់តែម្ដង។
បច្ចុប្បន្ននេះក្លឹបបិសាចក្រហម Manchester United មានតែ Anthony Martial ម្នាក់គត់ដែលលេងនៅតំបន់ប្រយុទ្ធកណ្ដាលបានល្អ ប៉ុន្តែកីឡាករសញ្ជាតិបារាំងរូបនេះតែងតែមានរបួសជាញឹកញាប់ ហើយក្លឹបត្រូវការចុះហត្ថលេខាលើខ្សែប្រយុទ្ធចំណូលថ្មីម្នាក់ទៀតនៅខែមករាឆ្នាំ 2023 ខាងមុខ។
យោងតាម Fichajes បានឲ្យដឹងថា Lautaro Martinez គឺជាបេក្ខភាពដ៏សាកសមបំផុត ដើម្បីមកជំនួសកន្លែងរបស់ Cristiano Ronaldo។ កីឡាករវ័យ 25 ឆ្នាំរូបនេះ គឺជាខ្សែប្រយុទ្ធដ៏សំខាន់មិនអាចខ្វះបានសម្រាប់ក្លឹប Inter Milan ហើយក៏ជាខ្សែប្រយុទ្ធដែលតែងតែជួយដល់ក្រុមជម្រើសជាតិអាហ្សង់ទីនក្នុងព្រឹត្តិការណ៍សំខាន់ៗថែមទៀតផង។ រដូវកាលនេះ Lautaro Martinez បង្ហាញខ្លួនបាន 21 ប្រកួតជាមួយ Inter Milan ដោយរកបានគ្រាប់បាល់ 8 គ្រាប់ និង 3 Assists។
ប្រភព: Sportsmole
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
Galeno សម្រេចចិត្តចាកចេញទៅលេងនៅទឹកដីអារ៉ាប៊ីសាអូឌីត ក្នុងវ័យ 27 ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
