បាល់ទាត់អន្តរជាតិ
Luis Diaz បង្ហាញពីទំហំនៃការស្រឡាញ់របស់គាត់ចំពោះ Lionel Messi
កាលពីពេលថ្មីៗនេះ ខ្សែប្រយុទ្ធឆ្នើមរបស់ក្លឹបហង្សក្រហម Liverpool គឺកីឡាករ Luis Diaz បានបង្ហាញពីការពិតមួយរបស់ខ្លួន នៅពេលដែលគាត់បានជួបកំពូលតារាបាល់ទាត់អាហ្សង់ទីន Lionel Messi ជាលើកដំបូង។
Luis Diaz បាននិយាយថា Lionel Messi និង Ronaldinho គឺជាកីឡាករបាល់ទាត់ដែលស្ថិតនៅក្នុងចិត្តរបស់គាត់។ ទោះជាយ៉ាងណា Ronaldinho បានចូលនិវត្តន៍ជាយូរមកហើយ ហើយ Luis Diaz ក៏មិនដែលមានឱកាសលេងតទល់គ្នាជាមួយគាត់ដែរ។ យ៉ាងណា Diaz នៅមានសំណាងមួយ ដោយធ្លាប់ប្រឈមមុខគ្នាជាមួយ Lionel Messi។
ខ្សែប្រយុទ្ធស្លាប Luis Diaz រំជួលចិត្តជាខ្លាំងពេលបានជួប Lionel Messi ជាលើកដំបូង ហើយពេលនោះគាត់ស្ទើរតែស្រក់ទឹកភ្នែក។ និយាយទៅកាន់សារព័ត៌មានអេស្ប៉ាញ SoHo (តាមរយៈ Anfield Watch) Luis Diaz បាននិយាយថា៖ “ខ្ញុំស្ទើរតែស្លាប់, ខ្ញុំស្ទើរតែនិយាយថា ខ្ញុំស្រឡាញ់អ្នក (Messi)… ជាការពិតណាស់ គាត់តែងតែជាផ្នែកមួយនៃការលេងបាល់របស់ខ្ញុំ។ កីឡាករដ៏អស្ចារ្យសម្រាប់ខ្ញុំគឺ Ronaldinho ប៉ុន្តែគាត់បានចូលនិវត្តន៍ជាយូរមកហើយ ខ្ញុំមិនអាចលេងទល់នឹងគាត់បានទេ”។
គួរដឹងផងដែរថា Luis Diaz បានលេងតទល់គ្នាជាលើកដំបូងជាមួយ Messi គឺនៅក្នុងពានរង្វាន់ Copa America កាលពីឆ្នាំ 2019 នៅពេលដែលក្រុមជម្រើសជាតិកូឡុំប៊ីរបស់គាត់បានប៉ះជាមួយអាហ្សង់ទីន។ ពេលនោះវាជាការប្រកួតដ៏អស្ចារ្យមួយសម្រាប់កូឡុំប៊ី ព្រោះពួកគេបានទទួលជ័យជម្នះ 2-0 ទៅលើអាហ្សង់ទីន។
ប្រភព: Sportskeeda
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
Barcelona ចង់លក់ខ្សែការពារឆ្នើមមួយរូប ដើម្បីជួយដល់សង្គ្រោះស្ថានភាពហិរញ្ញវត្ថុរបស់ក្លឹប