Rodri លើក​ឡើង​ថា អេស្ប៉ាញ​ជា​ក្រុម​ល្អ​ជាងគេ​នៅ World Cup ឆ្នាំ​នេះ

ខ្សែ​បម្រើ Rodri របស់​ក្លឹប​មេឃខៀវ Manchester City បាន​បង្ហើប​ថា តាម​ការ​មើល​ឃើញ​របស់​គាត់ អេស្ប៉ាញ​ជា​ក្រុម​ល្អ​បំផុត​នៃ​ការ​ប្រកួត World Cup ឆ្នាំ 2022 នៅ​ប្រទេស​កាតា ដែល​ល្អ​ជាង​ក្រុម​មួយ​ចំនួន​ដូច​ជា ប្រេស៊ីល, បារាំង និង​អង់គ្លេស។

យ៉ាង​ណា​មិញ​អេស្ប៉ាញ បាន​យក​ឈ្នះ​កូស្តារីកា ក្នុង​លទ្ធផល 7-0 ក្នុង​ការ​ប្រកួត​បើក​ឆាក​នៃ​ពូល E ខណៈ​ដែល​អាឡឺម៉ង់​បាន​ភ្លាត់​ចាញ់​​ជប៉ុន 2-1។ នៅ​ប្រកួត​បន្ទាប់​អេស្ប៉ាញ​នឹង​ត្រូវ​ប៉ះ​ជា​មួយ​អាឡឺម៉ង់ ដែល​ជា​ក្រុម​ស្រេក​ឃ្លាន​ជ័យ​ជំនះ​ជា​ចាំ​បាច់។

ទោះ​ជា​យ៉ាង​ណា​ថ្មីៗ​នេះ Rodri បាន​លើក​ឡើងថា បារាំង និង​អង់គ្លេស ជា​ក្រុម​ដែល​ពោរពេញ​ដោយ​កីឡាករ​ដែល​មាន​តម្លៃ​ខ្លួន​ថ្លៃៗ ប៉ុន្តែ​បើ​និយាយ​ពី​សមត្ថភាព​លេង ក្រុម​ជម្រើស​ជាតិ​របស់​គាត់​ល្អ​ជាង​ពួក​គេ​​ទាំង​នោះ។

ប្រភព: 90 Min