Sergio Ramos លើកឡើង​ថា គាត់​នឹង​ត្រឡប់​ទៅ​កាន់​ទម្រង់​លេង​ជា​ខ្សែការពារ​កំពូល​ដូច​ពីមុន!!!

ខ្សែ​ការពារ​សញ្ជាតិ​អេស្ប៉ាញ Sergio Ramos ជឿជាក់​ថា គាត់នៅ​មាន​ពេល 4 រឺ 5 ឆ្នាំ​ទៀត សម្រាប់​ការ​ឈរ​នៅ​កម្រិតកំពូល​នៃ​បាល់ទាត់​ក្នុង​នាម​ជា​ខ្សែការពារ​ដ៏​ល្អ​បំផុត​ម្នាក់ បើ​ទោះបី​ជា​គាត់​មាន​បញ្ហា​របួស ក្នុង​រដូវកាល​ដំបូង​របស់​ខ្លួន​ជាមួយ Paris Saint-Germain ក៏ដោយ។

កីឡាករ​ចាស់​វស្សា​វ័យ 36 ឆ្នាំរូបនេះ​បាន​ចូលរួម​ជាមួយ PSG បន្ទាប់​ពី​ការ​ចាក​ចេញ​ពី Real Madrid ដោយ​គ្មាន​តម្លៃ​ខ្លួន កាល​ពី​រដូវ​ក្តៅ​ឆ្នាំ​មុន ហើយ​គាត់​ក៏​មាន​បញ្ហា​របួស​មិន​ស្រាកស្រាន្ត​ចាប់​តាំង​ពី​ពេល​នោះ​មក។

នៅក្នុង​បទ​សម្ភាសន៍​ជាមួយ​អតីត​កីឡាករ​បាល់ទាត់​បារាំង Ludovic Giuly ដែល​​កំពុង​ធ្វើ​ការ​ឲ្យ Amazon Prime France ខ្សែ​ការពារ Sergio Ramos បានបញ្ជាក់​យ៉ាង​ច្បាស់ ដោយ​គាត់ជឿជាក់​ថា គាត់​នៅ​តែ​អាច​ត្រឡប់​ទៅ​កាន់​ភាព​ជា​ខ្សែការពារ​នៅ​កម្រិត​កំពូល​​ដូច​កាល​ពី​មុន។

ប្រភព: Marca