Christian Eriksen ប្រាប់​ឈ្មោះ​កីឡាករ​​ដែល​ជា​និមិត្ត​រូប​របស់​ខ្លួន​តាំង​ពី​ក្មេង

កីឡាករ​សញ្ជាតិ​ដាណឺម៉ាក Christian Eriksen បាន​ប្រាប់​ឈ្មោះ​អតីត​វីរបុរស​របស់​ក្រុម​ជម្រើស​ជាតិ​អ៊ីតាលី Francesco Totti និង​អតីត​កីឡាករ​ដាណឺម៉ាក Michael Laudrup ថា​ជា​តារា​បាល់​ទាត់​នៅ​ក្នុង​ដួង​ចិត្ត​គាត់​តាំង​ពី​ក្មេង​មក។

យ៉ាង​ណា​មិញ Francesco Totti ត្រូវ​បាន​គេ​ចាត់​ទុក​ថា​ជា​កីឡាករ​ដ៏​ស្មោះ​ត្រង់ និង​ល្អ​បំផុត​ម្នាក់​ដែល​មិន​ធ្លាប់​មាន​របស់​ក្លឹប AS Roma ដោយ​គាត់​បាន​ចំណាយ​ពេល 28 ឆ្នាំ​នៃ​ជីវិត​បាល់ទាត់​របស់​ខ្លួន​ជា​មួយ​ក្លឹប​នៅ Serie A មួយ​នេះ។

ដោយ​ឡែក​សម្រាប់​អតីត​វីរបុរស Michael Laudrup ក៏​ជា​កីឡាករ​ដ៏​លេចធ្លោរ​ផង​ដែរ ដោយ​ធ្លាប់​បាន​ឈ្នះ​ពានរង្វាន់​ចំនួន 15 ជាមួយ​នឹង​ក្លឹប​ធំៗ​ជា​ច្រើន​ដូច​ជា Barcelona, Real Madrid, Juventus និង Ajax ជាដើម។ បច្ចុប្បន្ន Michael Laudrup ប្រកប​អាជីព​ជា​គ្រូ​បង្វឹក​របស់​ក្លឹប Al-Duhail SC នៅ​ប្រទេស​កាតា។

Erickson បាន​ឆ្លើយ​សំណួរ Q&A របស់​អ្នក​គាំទ្រ Manchester United អំពី​កីឡាករ​ដែល​គាត់​ចាត់​ទុក​ជា Idol របស់​ខ្លួន​ថា គាត់​មាន​កីឡាករ 2 នាក់​ដែល​ជា​និមិត្តរូប​តាំង​ពី​ក្មេង​មក ដោយ​ម្នាក់​ជា Francesco Totti ហើយ​ម្នាក់​ទៀត​គឺ Michael Laudrup។ Erickson បន្ថែម​ថា គាត់​ចូល​ចិត្ត Michael Laudrup ដោយ​សារ​គាត់​ជា​ជនជាតិ​ដាណឺម៉ាក​ដូច​គ្នា ហើយ​កីឡាករ​រូប​នេះ​​ស្ទីល​លេង​ដែល​គួរ​ឲ្យ​ចូល​ចិត្ត”។

ប្រភព: Dailypost