Gabriel Jesus និង Alex Telles ត្រូវ​ខកខាន​ការ​ប្រកួត World Cup ទាំង​អស់​ដែល​នៅ​សល់

យោងតាម​សារព័ត៌មាន​ប្រេស៊ីល Globo បាន​ឲ្យ​ដឹង​ថា Gabriel Jesus និង Alex Telles នឹង​ខកខាន​ការ​ប្រកួត World Cup ទាំង​អស់​ដែល​នៅ​សល់ សម្រាប់​ក្រុម​ជម្រើស​ជាតិ​ប្រេស៊ីល​ដោយ​សារ​របួសជង្គង់ ហើយ​អាច​នឹង​អូស​បន្លាយ​រហូត​ដល់​ខកខាន​មិន​បាន​លេង​នៅ​ក្លឹប​របស់​ខ្លួន​ផង​ដែរ។

របាយការណ៍​ដដែល​នោះ​បាន​បន្ថែម​ទៀត​ថា របួស​របស់ Alex Telles គឺ​ធ្ងន់ធ្ងរ​ជាង​របួស​របស់ Gabriel Jesus ហើយ​របួស​នោះ​អាច​នឹង​ធ្វើ​ឲ្យ​កីឡាករ​វ័យ 29 ឆ្នាំ​ឈាន​ដល់​ការ​វះកាត់​ថែម​ទៀត​ផង។ បច្ចុប្បន្ន​ស្ថានភាព​របស់ Alex Telles ត្រូវ​បាន​កំណត់​ថា គាត់​នឹង​ត្រូវ​នៅ​ក្រៅទីលាន​រយៈពេល​វែង រហូត​ដល់​ថ្ងៃ​ទី 30 ខែធ្នូ។

ទន្ទឹម​នឹង​នោះ​ដែរ Gabriel Jesus នឹង​ត្រូវ​នៅ​ក្រៅ​ទី​លាន​រហូត​ដល់​មួយ​ខែ មាន​ន័យថា​កីឡាករ​វ័យ 25 ឆ្នាំ​រូប​នេះ អាច​នឹង​សង្ស័យ​មិន​បាន​លេង​ប្រកួត​របស់ Premier League របស់ Arsenal នៅ​ចុង​ឆ្នាំ 2022 ទល់​នឹង West Ham United និង Brighton & Hove Albion។

ប្រភព: Sportsmole