Connect with us

បាល់ទាត់អន្តរជាតិ

Manchester United អាច​នឹង​សម្រេច​ចិត្ត​លក់​ខ្សែប្រយុទ្ធ Marcus Rashford

Published

on

ក្លឹប​បិសាចក្រហម Manchester United ត្រូវ​បាន​គេរាយការណ៍​ថា កំពុង​ព្រួយ​បារម្ភ ដោយ​ពួក​គេ​អាច​នឹង​ត្រូវ​បង្ខំ​ចិត្ត​លក់​ខ្សែប្រយុទ្ធ​របស់​ខ្លួន Marcus Rashford។ យ៉ាង​ណា​កីឡាករ​វ័យ 25 ឆ្នាំ​រូប​នេះ​មាន​ទម្រង់​លេង​គួរ​ឲ្យ​ចាប់​អារម្មណ៍ ក្នុង​រដូវកាល​នេះ​ដោយ​ស៊ុត​បញ្ចូលទី​បាន 8 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​ចំនួន 3 ដង ក្នុង​ការ​បង្ហាញ​ខ្លួន 19 ប្រកួត។

បន្ទាប់​ពី​ត្រូវ​បាន​កោះ​ហៅ​ឲ្យ​ចូល​ក្រុម​ជម្រើស​ជាតិ​អង់គ្លេស​សម្រាប់​ព្រឹត្តិការណ៍ FIFA World Cup ខ្សែ​ប្រយុទ្ធ​ឆ្នើម Marcus Rashford ធ្វើ​បាន​ល្អ​សម្រាប់​ប្រទេស​របស់​គាត់ ដោយ​រក​បាន 3 គ្រាប់ និង​រួម​ចំណែក​យ៉ាង​សំខាន់​ក្នុង​ជ័យជម្នះ 3-0 ទៅ​លើ​ក្រុម​ជម្រើស​ជាតិ​វេលស៍​ទៀត​ផង។

ខណៈ​ពេល​ដែល Rashford បច្ចុប្បន្ន​កំពុង​ផ្តោត​អារម្មណ៍​សម្រាប់​ការ​ប្រកួត​ឲ្យ​ក្រុម​ជម្រើស​ជាតិ​របស់​គាត់ កាសែត Daily Star បាន​អះអាង​ថា ក្លឹប Manchester United នឹង​ជួប​ការ​ព្រួយ​បារម្ភ​ថា​ពួកគេ​ប្រហែល​ជា​ត្រូវ​លក់​ខ្សែប្រយុទ្ធ​រូប​នេះ​ដោយ​សារ​តែ​ស្ថានភាព​នៃ​កុងត្រា​របស់​គាត់។ ដូចគ្នា​​នេះ​ដែរ កុងត្រា​របស់ Marcus Rashford នឹង​ផុត​កំណត់​នៅ​ពាក់​កណ្ដាល​ឆ្នាំ​ក្រោយ​នេះ​ហើយ។ ទោះ​បី​ជា​ក្លឹប​បិសាចក្រហម​មាន​ជម្រើស​ក្នុង​ការ​បន្ត​កុងត្រា​របស់​គាត់ 1 ឆ្នាំ​ទៀត​ក៏ដោយ តែ​ពួក​គេ​ចង់​សម្រេច​បាន​នូវ​អនាគត​ដ៏​វែង​ឆ្ងាយ​របស់ Marcus Rashford។

របាយការណ៍​មួយ​បាន​បញ្ជាក់​ថា Marcus Rashford នៅ​តែ​មិន​ទាន់​ទទួល​យក​កិច្ច​ព្រមព្រៀង​ថ្មី​ដែល​គេ​ជឿថា ដោយ​មាន​​កំណត់​ប្រាក់​ពលកម្ម 300,000 ផោន​ក្នុង​មួយ​សប្តាហ៍ ហើយ​ប្រសិន​បើ​ភាគី​ទាំង 2 មិន​អាច​ឈាន​ដល់​ការ​ព្រមព្រៀង​គ្នា​បាន​ទេ​នោះ Manchester United អាច​សម្រេច​ចិត្ត​ទទួល​ការ​ដេញ​ថ្លៃ​ពី​ក្លឹប​ផ្សេងៗ​នៅ​ចុង​បញ្ចប់​នៃ​រដូវកាល​នេះ ជា​ជាង​អនុញ្ញាត​ឲ្យ​ខ្សែ​ប្រយុទ្ធ​រូប​នេះ​ចាកចេញ​ដោយ​គ្មាន​តម្លៃ​ខ្លួន​នៅ​ឆ្នាំ 2024។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២