Connect with us

បាល់ទាត់អន្តរជាតិ

Goncalo Ramos ស៊ុត​បី​គ្រាប់​ម្នាក់​ឯង ខណៈ​ដែល​ព័រទុយហ្គាល់​លុត​ស្វីស 6-1

Published

on

ក្រុម​ជម្រើស​ជាតិ​ព័រទុយហ្គាល់​បាន​ឈាន​ទៅ​កាន់​វគ្គ 8 ក្រុម​ចុងក្រោយ​នៃ​ព្រឹត្តិការណ៍ FIFA World Cup 2022 បន្ទាប់​ពី​បាន​យក​ឈ្នះ​ក្រុម​ជម្រើស​ជាតិ​ស្វីស​ក្នុង​លទ្ធផល​ដ៏​ចាស់ដៃ 6-1 ក្នុង​ការ​ប្រកួត​វគ្គ​ចាញ់​ធ្លាក់ 16 ក្រុម​ចុងក្រោយ​នៅ​កីឡដ្ឋាន Lusail កាល​ពី​រំលង​អាធ្រាត​យប់​មិញ​នេះ។

ខ្សែ​ប្រយុទ្ធ Goncalo Ramos ដែល​ជា​បេក្ខភាព​មក​ពី​ក្លឹប Benfica ទើប​តែ​ស៊ុត​បាន 3 គ្រាប់​ដំបូង​ក្នុង​ការ​ប្រកួត​ឆ្នាំ​នេះ​នៅ​ប្រទេស​កាតា ហើយ​វា​ជា​ការ​ប្រកួត​ទល់​នឹង​ស្វីស​នេះ​តែ​ម្ដង ខណៈ​ដែល​គាត់​ត្រូវ​បាន​ប្រើប្រាស់​ជំនួស Cristiano Ronaldo ដែល​ត្រូវ​បាន​គ្រូ​បង្វឹក​ដាក់​ឲ្យ​នៅ​អង្គុយ​កៅអី​បម្រុង។

ផ្សេង​ពី 3 គ្រាប់​របស់ Goncalo Ramos នៅ​មាន​ការ​ស៊ុត​បញ្ចូលទី 3 គ្រាប់​ថែម​ទៀត​ដែល​ជា​ការ​ស៊ុត​បញ្ចូលទី​របស់ Pepe, Raphael Guerreiro និង Rafael Leao។ ទន្ទឹម​នឹង​នេះ​ដែរ ក្រុម​ជម្រើស​ជាតិ​ស្វីស​តប​ត​វិញ​បាន​តែ 1 គ្រាប់​ប៉ុណ្ណោះ​ដែល​ជា​ការ​ស៊ុត​បញ្ចូលទី​ពី​ខ្សែការពារ Manuel Akanji នៅ​ពាក់​កណ្តាល​តង់ (ដើម​តង់ទី 2)។

យ៉ាង​ណា​មិញ​ក្រុម​របស់​លោក Fernando Santos បាន​ឈាន​ឡើង​ទៅ​កាន់​វគ្គ 8 ក្រុម​ចុងក្រោយ នៃ​ព្រឹត្តិការណ៍​ប្រកួត FIFA World Cup ជា​លើក​ទី 3 ក្នុង​ប្រវត្តិសាស្ត្រ​របស់​ពួក​គេ និង​ជា​លើក​ដំបូង​ចាប់​តាំង​ពី​ឆ្នាំ 2006 ហើយ​ពួក​គេ​ក៏​កំពុង​សម្លឹង​មើល​ឱកាស​នៃ​ការ​ឡើង​ទៅ​កាន់​វគ្គ​ពាក់​កណ្ដាល​ផ្ដាច់ព្រ័ត​ផង​ដែរ។ ព័រទុយហ្គាល់​នឹង​​ត្រូវ​ជួប​ជាមួយ​នឹង​ក្រុម​ជម្រើស​ជាតិ​ម៉ារ៉ុក នៅ​វគ្គ 8 ក្រុម​ចុងក្រោយ ខណៈ​ដែល​ម៉ារ៉ុក បាន​ទម្លាក់​អេស្ប៉ាញកាល​ពី​ម្សិលមិញ​នេះ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២