បាល់ទាត់អន្តរជាតិ
អតីតខ្សែប្រយុទ្ធម្នាក់របស់ប្រេស៊ីល សារភាពថា ខ្លួនចង់ឃើញ Lionel Messi យំ
អតីតខ្សែប្រយុទ្ធម្នាក់របស់ក្រុមជម្រើសជាតិប្រេស៊ីល Fred រឺ Frederico Chaves Guedes បានសារភាពថា គាត់ចង់ឲ្យប្រទេសរបស់គាត់ជួបជាមួយអាហ្សង់ទីន ក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ FIFA World Cup ឆ្នាំនេះ ដើម្បីឲ្យគាត់អាចមើលឃើញ Lionel Messi យំ។
យ៉ាងណាមិញនៅពេលនេះ ការប្រកួត FIFA World Cup បានឈានដល់វគ្គ 8 ក្រុមចុងក្រោយហើយ ហើយក្រុមជម្រើសជាតិប្រេស៊ីលនឹងត្រូវជួបតតាំងជាមួយក្រូអាតក្នុងវគ្គនេះផងដែរ។ ការប្រកួតនឹងធ្វើឡើងនៅម៉ោង 10 យប់នេះ ហើយប្រសិនបើពួកគេឈ្នះក្រូអាត ហើយអាហ្សង់ទីន ឈ្នះហូឡង់ នោះប្រេស៊ីល នឹងជួបជាមួយអាហ្សង់ទីននៅវគ្គ 4 ក្រុមចុងក្រោយ។
ទោះជាយ៉ាងណាក៏ដោយ ប្រសិនបើក្រុមទាំង 2 ជួបគ្នា ប្រេស៊ីលប្រហែលជាអាចយកឈ្នះអាហ្សង់ទីនដែលដឹកនាំដោយប្រធានក្រុម Lionel Messi បាន ដោយផ្អែកតាមទម្រង់លេងដ៏លេចធ្លោររបស់ពួកគេនៅពេលនេះ។
Messi គឺជាធាតុចំណុចដ៏សំខាន់នៅក្នុងជ័យជម្នះកន្លងមករបស់ក្រុមជម្រើសជាតិអាហ្សង់ទីន។ ដូចគ្នានេះដែរ អតីតខ្សែប្រយុទ្ធប្រេស៊ីលលោក Fred មានបំណងចង់ឃើញ Messi បរាជ័យនៅក្នុងវគ្គពាក់កណ្តាលផ្តាច់ព្រ័ត្រ ប្រសិនបើប្រទេសរបស់គាត់ត្រូវជួបជាមួយអាហ្សង់ទីន។ គាត់បានប្រាប់ ESPN ថា៖ “ខ្ញុំចង់ឲ្យប្រេស៊ីល និងអាហ្សង់ទីន ជួបគ្នាក្នុងវគ្គពាក់កណ្តាលផ្តាច់ព្រ័ត្រ។… ខ្ញុំចង់ឲ្យ Messi យំ”។
ប្រភព: Mirror
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
