បាល់ទាត់អន្តរជាតិ
AC Milan ត្រៀមដេញថ្លៃលើខ្សែបម្រើប្រយុទ្ធ De Ketelaere
បើយោងតាមរបាយការណ៍ពីលោក Fabrizio Romano បានឲ្យដឹងថា ខ្សែបម្រើ Charles de Ketelaere កំពុងមានភាគរយខ្ពស់បំផុតក្នុងការផ្ទេរទៅចូលរួមជាមួយក្លឹប AC Milan ដែលជាម្ចាស់ជើងឯក Serie A កាលពីរដូវកាលមុន។
ដោយឡែកក្លឹប AC Milan បានយល់ព្រមលើលក្ខខណ្ឌផ្ទាល់ខ្លួនជាមួយ Charles De Ketelaere ហើយ ប៉ុន្តែពួកគេមិនទាន់បានត្រូវរូវគ្នាលើតម្លៃផ្ទេរជាមួយនឹងក្លឹបបច្ចុប្បន្នរបស់គាត់គឺ Club Brugge នោះទេ (នេះបើតាមការអះអាងរបស់គេហទំព័រ 90min.com)។
AC Milan មិនមែនជាក្លឹបតែមួយដែលចង់បាន De Ketelaere នោះទេ ពោលគឺកីឡាកររូបនេះ កំពុងទទួលបានភាពទាក់ទាញចំណាប់អារម្មណ៍ពីក្លឹបជាច្រើននៅទូទាំងទ្វីបអឺរ៉ុប សម្រាប់ការផ្ទេរនារដូវក្តៅនេះ។
De Ketelaere មានទម្រង់លេងដ៏លេចធ្លោរបំផុតនៅក្នុងលីគកំពូលនៃប្រទេសប៊ែលហ្សិក ដោយគាត់ស៊ុតបញ្ចូលទីបាន 14 គ្រាប់ ក្នុងការបង្ហាញខ្លួនសរុប 39 ប្រកួតនៅក្របខណ្ឌ Belgian Pro League កាលពីរដូវកាលមុន។
ទោះបីជាមានក្លឹបជាច្រើនទាក់ទងចង់បានខ្សែបម្រើរូបនេះក៏ដោយ ប៉ុន្តែ AC Milan គឺជាក្លឹបដែលមានអាទិភាពខ្ពស់ជាងគេបំផុត ក្នុងការទាក់ចិត្តរបស់ De Ketelaere ព្រោះពួកគេជាម្ចាស់ជើងឯកលីគរដូវកាលមុន និងមានកៅអីសម្រាប់លេងពាន UEFA Champions League ផងដែរ។
ប្រភព: 90 Min
-
បាល់ទាត់អន្តរជាតិ3 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!
-
បាល់ទាត់អន្តរជាតិ3 days ago
UEFA ស្នើរឲ្យប្រធានក្លឹប Man City លក់ភាគហ៊ុនចេញ ដើម្បីឲ្យ Girona អាចមានសិទ្ធិលេង UCL បាននៅរដូវកាលក្រោយ
-
បាល់ទាត់អន្តរជាតិ2 days ago
ខ្សែប្រយុទ្ធឆ្នើមរបស់ឥណ្ឌា Sunil Chhetri ប្រកាសចូលនិវត្តន៍ពីបាល់ទាត់