បាល់ទាត់អន្តរជាតិ
Barcelona គ្រោងលក់កីឡាករជាច្រើន ដើម្បីប្រមូលប្រាក់ឲ្យបាន 100 លានអឺរ៉ូ នៅចុងបញ្ចប់នៃរដូវកាលនេះ
ក្លឹបអ្នកមានបុណ្យ Barcelona ត្រូវបានគេរាយការណ៍ថា គ្រោងនឹងព្យាយាមលក់កីឡាករជាច្រើនរបស់ខ្លួនចេញនៅចុងបញ្ចប់នៃរដូវកាលនេះ ដើម្បីប្រមូលប្រាក់ឲ្យបានយ៉ាងហោចណាស់ 100 លានអឺរ៉ូ នៅមុនពេលចាប់ផ្តើមរដូវកាលថ្មី 2023-2024។
ក្លឹបយក្សកាឡាន់ នឹងត្រូវវៃចេញនូវកីឡាករជាច្រើន ដើម្បីឲ្យពួកគេអាចចុះកុងត្រានាំយក Lionel Messi ត្រឡប់មកវិញ។ យោងតាមរបាយការណ៍ពី Mundo Deportivo បានឲ្យដឹងថា គ្រូបង្វឹករបស់ក្រុមលោក Xavi បានដាក់ឈ្មោះកីឡាករដែលអាចលក់ចេញដំបូងគេគឺ Ferran Torres និង Ansu Fati។
ដូចគ្នានេះដែរ Raphinha, Franck Kessie និង Eric Garcia ក៏ជាកីឡាករដែលស្ថិតក្នុងគម្រោងនៃការលក់ចេញផងដែរ។ Barcelona ក៏នឹងលក់កីឡាករខ្ចីជើងរបស់ខ្លួនទៅក្លឹបផ្សេងដែរដូចជា Clement Lenglet, Sergino Dest, Nico Gonzalez, Alex Collado និង Samuel Umtiti។
កីឡាករតែម្នាក់គត់ដែល Barcelona មិនលក់ចេញ និងត្រៀមនាំយកមកវិញគឺ Ez Abde ដែលបច្ចុប្បន្នកំពុងខ្ចីជើងនៅ Osasuna ដោយខ្សែប្រយុទ្ធរូបនេះមានទម្រង់លេងគួរឲ្យចាប់អារម្មណ៍។ ក្រៅពីគម្រោងនៃការលក់ចេញ Barcelona ក៏ត្រៀមនឹងបន្តកុងត្រាថ្មីជាមួយ Ronald Araujo និង Gavi ហើយបន្តមកទៀតគឺ Alejandro Balde និង Inaki Pena។
ប្រភព: Barcablaugranes
-
បាល់ទាត់អន្តរជាតិ3 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!
-
បាល់ទាត់អន្តរជាតិ2 days ago
UEFA ស្នើរឲ្យប្រធានក្លឹប Man City លក់ភាគហ៊ុនចេញ ដើម្បីឲ្យ Girona អាចមានសិទ្ធិលេង UCL បាននៅរដូវកាលក្រោយ