បាល់ទាត់អន្តរជាតិ
Manchester United ត្រៀមដេញថ្លៃ Kalvin Phillips តម្លៃខ្ទង់ 60 លានផោន
កាលពីពេលថ្មីៗកន្លងទៅនេះ ក្លឹប Leeds United បានដាក់តម្លៃសម្រាប់ខ្សែបម្រើ Kalvin Phillips ចន្លោះពី 50 ទៅ 60 លានផោន ខណៈដែលក្លឹបបិសាចក្រហម Manchester United បានបើកការពិភាក្សាមួយជាមួយ Leeds United ផងដែរ នេះបើយោងតាមការរាយការណ៍ពី Manchester Evening News។
ទោះជាយ៉ាងណាក្លឹប Aston Villa ក៏ត្រូវបានគេនិយាយថា កំពុងចាប់អារម្មណ៍ជាមួយ Phillips ដែរ ហើយមានសេចក្ដីរាយការណ៍មួយបានលើកឡើងថា ពួកគេក៏បានត្រៀមដេញថ្លៃ 60 លានផោន ដើម្បីទិញយកកីឡាករវ័យ 26 ឆ្នាំរូបនេះ។
បិសាចក្រហម Manchester United បានកំណត់យក Phillips ជាគោលដៅសំខាន់មួយរបស់ពួកគេ ដោយក្ដីសង្ឃឹមលើការនាំយក Declan Rice អាចនឹងត្រូវបោះបង់ចោល បន្ទាប់ពី West Ham បានដាក់តម្លៃខ្ពស់កប់ពពករហូតដល់ 150 លានផោន សម្រាប់ខ្សែបម្រើឆ្នើមរបស់ពួកគេ។
យ៉ាងណាមិញវត្តមានរបស់គ្រូបង្វឹកថ្មី Erik ten Hag ក៏បានធ្វើឲ្យមានការលើកឡើងផងដែរថា គ្រូបង្វឹករូបនេះនឹងនាំយកកីឡាករសញ្ជាតិប្រេស៊ីលដែលកំពុងឡើងជើងខ្លាំង Antony ពីក្លឹប AFC Ajax ផងដែរ ដោយកីឡាករឆ្នើមរូបនេះ នឹងដាក់ឲ្យលេងនៅតំបន់ប្រយុទ្ធស្លាបស្ដាំ ដែលបច្ចុប្បន្នមិនទាន់មានកីឡាករណាអាចលេងបានល្អនៅតំបន់នោះនៅឡើយទេ។
ប្រភព: The Sun
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក
-
បាល់ទាត់អន្តរជាតិ2 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!