បាល់ទាត់អន្តរជាតិ
Cristiano Ronaldo ចាកចេញពីកីឡដ្ឋាន មុនការប្រកួតជាមួយ Rayo Vallecano បានបញ្ចប់
ខ្សែប្រយុទ្ធឆ្នើមរបស់ក្លឹបបិសាចក្រហម Manchester United គឺកីឡាករ Cristiano Ronaldo ត្រូវបានគេឃើញថា បានចាកចេញពីកីឡដ្ឋាន Old Trafford មុនពេលការប្រកួតបញ្ចប់ ដែលនោះជាការប្រកួតមិត្តភាពមុនបើករដូវកាលជាមួយនឹង Rayo Vallecano កាលពីម្សិលមិញនេះ។
យ៉ាងណាមិញ កីឡាករវ័យ 37 ឆ្នាំរូបនេះបានលេងជាលើកដំបូងក្រោមការដឹកនាំរបស់អ្នកចាត់ការថ្មីលោក Erik ten Hag ខណៈដែលគាត់បានខកខានដំណើរប្រកួតផ្សេងទៀតនៅអូស្ត្រាលី និងប្រទេសថៃ។
ការប្រកួតជាមួយ Rayo Vallecano កីឡាករសញ្ជាតិព័រទុយហ្គាល់ Cristiano Ronaldo លេងបាន 45 នាទី ហើយត្រូវបានប្ដូរចេញ និងជំនួសដោយកីឡាករ Amad Diallo។ ការប្ដូរចេញនោះ មើលទៅហាក់ដូចជាធ្វើឲ្យ Ronaldo មិនសប្បាយចិត្តឡើយ ហើយគាត់ត្រូវបានគេមើលឃើញថា បានចាកចេញពីកីឡដ្ឋានមុនពេលនៃការប្រកួតបានបញ្ចប់។
ដោយឡែកក្លឹបបិសាចក្រហម Manchester United បានបដិសេធមិនធ្វើអត្ថាធិប្បាយជុំវិញបញ្ហារបស់ Cristiano Ronaldo ដែលធ្វើទង្វើបែបនេះ ហើយត្រូវដាក់ពិន័យអ្វី រឺអត់នោះឡើយ។ Cristiano Ronaldo បានត្រឡប់មកលេងជាមួយមិត្តរួមក្រុមរបស់គាត់វិញ ប៉ុន្តែទំនាក់ទំនងរបស់គាត់ និងលោក Erik ten Hag បានធ្វើឲ្យអ្នកគាំទ្រមានការខកចិត្តខ្លាំង។
ប្រភព: Dailypost NG
-
បាល់ទាត់អន្តរជាតិ3 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!
-
បាល់ទាត់អន្តរជាតិ3 days ago
UEFA ស្នើរឲ្យប្រធានក្លឹប Man City លក់ភាគហ៊ុនចេញ ដើម្បីឲ្យ Girona អាចមានសិទ្ធិលេង UCL បាននៅរដូវកាលក្រោយ
-
បាល់ទាត់អន្តរជាតិ3 days ago
ខ្សែប្រយុទ្ធឆ្នើមរបស់ឥណ្ឌា Sunil Chhetri ប្រកាសចូលនិវត្តន៍ពីបាល់ទាត់