បាល់ទាត់អន្តរជាតិ
ផ្លូវការណ៍៖ ក្លឹប Manchester City ប្រកាសពីការចុះហត្ថលេខាលើខ្សែការពារចំណូលថ្មី Manuel Akanji
ក្រោយពីមានពាក្យចចាមអារ៉ាមប៉ុន្មានថ្ងៃមុន ពេលនេះក្លឹប Manchester City បានឈានដល់កិច្ចព្រមព្រៀងផ្ទេរខ្សែការពារកណ្ដាល Manuel Akanji ហើយ ដោយផ្ទេរពីក្លឹប Borussia Dortmund ក្នុងតម្លៃផ្ទេរប្រហែលជា 17 លានផោន។
ខ្សែការពារវ័យ 27 សញ្ជាតិស្វីស Manuel Akanji បានចុះហត្ថលេខាជាមួយក្លឹបថ្មី Manchester City លើកិច្ចព្រមព្រៀងរយៈពេល 5 ឆ្នាំ ដែលមានសុពលភាពរហូតដល់ថ្ងៃទី 30 ខែ មិថុនា ឆ្នាំ 2027។ ក្លឹបក៏បានបញ្ជាក់ដែរថា ខ្សែការពាររូបនេះនឹងប្រើប្រាស់អាវលេខ 25 ដែលជាអតីតលេខអាវរបស់ខ្សែបម្រើកណ្ដាល Fernandinho។
ជុំវិញការផ្ទេរនេះដែរលោក Txiki Begiristain ដែលជានាយកផ្នែកកីឡាបាល់ទាត់របស់ក្លឹប Manchester City បាននិយាយថា៖ “Akanji មានបទពិសោធន៍ច្រើនក្នុងការលេងនៅកម្រិតកំពូលនៃបាល់ទាត់តំបន់អឺរ៉ុប ហើយយើងមានទំនុកចិត្តថា គាត់នឹងក្លាយជាកីឡាករចំណូលថ្មីដ៏មានតម្លៃសម្រាប់ក្រុមរបស់យើង”។
គួរដឹងផងដែរថា Manuel Akanji គឺជាខ្សែការពារដ៏សំខាន់របស់ក្រុមជម្រើសជាតិស្វីស ដោយគាត់តែងតែបង្ហាញខ្លួនមិនដែលអាក់ខានឡើយសម្រាប់ក្រុមជម្រើសជាតិ ចាប់តាំងពីឆ្នាំ 2017 រហូតមកដល់បច្ចុប្បន្ន។
ប្រភព: 90 Min
-
បាល់ទាត់អន្តរជាតិ3 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ1 day ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa