បាល់ទាត់អន្តរជាតិ
ក្រោយចាញ់ Everton 2-0 គ្រូ Chelsea ថា គាត់ត្រូវការទិញកីឡាករបន្ថែមទៀតនៅខែមករាខាងមុខ
គ្រូបង្វឹករបស់ក្លឹបតោខៀវ Chelsea លោក Mauricio Pochettino បាននិយាយថា គាត់ត្រូវការនាំយកកីឡាករចំណូលថ្មីបន្ថែមទៀតនៅក្នុងទីផ្សារដោះដូរកីឡាករនាខែមករាខាងមុខ។ យ៉ាងណាមិញ Pochettino បានលើកឡើងបែបនេះ បន្ទាប់ពីក្រុមរបស់ខ្លួនបានចាញ់ Everton 2-0 កាលពីថ្ងៃអាទិត្យសប្ដាហ៍មុន។
ក្រោយការបរាជ័យជាមួយ Everton បានធ្វើឲ្យតោខៀវធ្លាក់ទៅឈរនៅចំណាត់ថ្នាក់លេខ 12 ក្នុងតារាង Premier League ដែលមានត្រឹមតែ 19 ពិន្ទុប៉ុណ្ណោះ។ ការចាញ់នេះដែរ វាជាការចាញ់លើកទី 7 របស់ Chelsea ក្នុងរដូវកាលនេះ ហើយបើប្រៀបធៀបនឹងក្រុមកំពូលតារាងហង្សក្រហម Liverpool ពួកគេកំពុងតាមពីក្រោយរហូតដល់ 18 ពិន្ទុ។
Chelsea បានចំណាយប្រាក់ជាង 1 ពាន់លានផោន ក្នុងទីផ្សារដោះដូរកីឡាករចំនួន 3 លើកចុងក្រោយ ប៉ុន្តែភាគច្រើននៃការចំណាយទាំងនោះ បានកើតឡើងមុនពេលនៃការមកដល់របស់លោក Pochettino។
ក្រោយចប់ការប្រកួតគ្រូបង្វឹកលោក Pochettino បានប្រាប់ទៅកាន់ MOTD ថា៖ “បាល់ទាត់គឺនិយាយអំពីការស៊ុតបាល់បញ្ចូលទី ហើយយើងមិនបានស្ថិតនៅលើការស៊ុតបញ្ចូលទីនោះទេ។ ខ្ញុំពិតជាខកចិត្តខ្លាំងណាស់។ យើងមិនទទួលបាននូវអ្វីដែលយើងសមនឹងទទួលបាននោះទេ។ ខ្ញុំគិតថាយើងល្អជាងពួកគេ ប៉ុន្តែយើងមិនបានទទួលអ្វីដែលយើងចង់បាន”។
Pochettino បានបន្ថែមទៀតថា៖ “យើងកំពុងដោះស្រាយបញ្ហានេះ។ បន្ទាប់ពី 5 ខែ រឺពាក់កណ្តាលរដូវកាលដំបូង យើងត្រូវពិនិត្យមើល ហើយនោះយើងបានមើលឃើញ។ ប្រសិនបើយើងមិនមានការលេងនៅតំបន់ប្រយុទ្ធបានគ្រប់គ្រាន់ទេ ប្រហែលជាយើងត្រូវធ្វើអ្វីមួយហើយ”។
ប្រភព: Dailypost NG
-
បាល់ទាត់អន្តរជាតិ3 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ3 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក
-
បាល់ទាត់អន្តរជាតិ2 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!