បាល់ទាត់អន្តរជាតិ
Liverpool កំពុងចរចាជាមួយ Xabi Alonso សម្រាប់តំណែងជាគ្រូបង្វឹកថ្មីរបស់ពួកគេ នៅរដូវកាលក្រោយ
ក្លឹបហង្សក្រហម Liverpool របស់អង់គ្លេស បានទាក់ទងទៅកាន់គ្រូបង្វឹកសញ្ជាតិអេស្ប៉ាញ Xabi Alonso របស់ក្លឹប Bayer Leverkusen ជាមួយនឹងការផ្តល់ជូនតំណែងជាគ្រូបង្វឹកថ្មីរបស់ពួកគេ នៅរដូវក្តៅឆ្នាំ 2024 (នេះបើយោងតាមរបាយការណ៍ពី Footmercato)។
ផ្អែកតាមប្រព័ន្ធផ្សព្វផ្សាយច្បាស់ការណ៍មួយបានឲ្យដឹងថា ភាគីទាំង 2 រវាងក្លឹបហង្សក្រហម និងលោក Xabi Alonso បានធ្វើការចរចាជាមួយគ្នាលើកដំបូងរួចហើយ។ ទោះបីជាយ៉ាងណាក៏ដោយ គេមិនទាន់ដឹងថា តើបុរសវ័យ 42 ឆ្នាំរូបនេះបានត្រៀមខ្លួនរួចជាស្រេច ក្នុងការផ្លាស់ទៅដឹកនាំអតីតក្លឹបចាស់របស់គាត់ (Liverpool) រឺអត់នោះឡើយ។
គួររំលឹកផងដែរថា កាលពីថ្ងៃទី 26 ខែមករា កន្លងទៅលោក Jurgen Klopp បានបញ្ជាក់ថា គាត់នឹងលាលែងពីតំណែងជាគ្រូបង្វឹករបស់ Liverpool នាចុងបញ្ចប់នៃរដូវកាលនេះហើយ។ មានសេចក្តីរាយការណ៍មួយចំនួនបានអះអាងថា គ្រូបង្វឹកសញ្ជាតិអាឡឺម៉ង់រូបនេះ បានបដិសេធសំណើរពី Barcelona ដែលចង់ឲ្យគាត់ទៅដឹកនាំនៅ Camp Nou តែគាត់មានបំណងចង់សម្រាកពីការងារគ្រូបង្វឹកមួយរយៈសិន។
ប្រភព: Sportsmole
-
បាល់ទាត់អន្តរជាតិ3 days ago
Real Madrid នឹងត្រូវបង់ប្រាក់ឲ្យ Chelsea ចំនួន 5 លានផោន ដោយសារពួកគេឡើងដល់វគ្គផ្តាច់ព្រ័ត្រ UCL ឆ្នាំនេះ!!!
-
បាល់ទាត់អន្តរជាតិ2 days ago
UEFA ស្នើរឲ្យប្រធានក្លឹប Man City លក់ភាគហ៊ុនចេញ ដើម្បីឲ្យ Girona អាចមានសិទ្ធិលេង UCL បាននៅរដូវកាលក្រោយ
-
បាល់ទាត់អន្តរជាតិ2 days ago
ខ្សែប្រយុទ្ធឆ្នើមរបស់ឥណ្ឌា Sunil Chhetri ប្រកាសចូលនិវត្តន៍ពីបាល់ទាត់