បាល់ទាត់អន្តរជាតិ
ផ្លូវការណ៍៖ PSG ប្រកាសពីការចុះហត្ថលេខាលើខ្សែបម្រើចំណូលថ្មី Fabian Ruiz
កាលពីប៉ុន្មានម៉ោងមុននេះ ក្លឹបយក្សបារាំង Paris Saint-Germain បានបញ្ជាក់ពីការចុះហត្ថលេខាលើខ្សែបម្រើចំណូលថ្មីម្នាក់ទៀតហើយ គឺកីឡាករសញ្ជាតិអេស្ប៉ាញ Fabian Ruiz ដែលផ្ទេរពីក្លឹបអ៊ីតាលី Napoli។
យ៉ាងណាមិញកីឡាករវ័យ 26 ឆ្នាំរូបនេះ គឺជាគោលដៅរបស់ក្លឹបកំពូលៗនៅតំបន់អឺរ៉ុបជាយូរមកហើយ ប៉ុន្តែពេលនេះគាត់បានជ្រើសរើសយកការផ្ទេរទៅប្រទេសបារាំងដោយចុះហត្ថលេខាលើកុងត្រារយៈពេល 5 ឆ្នាំជាមួយ Paris Saint-Germain។
ជាមួយគ្នានេះដែរ Fabian Ruiz បានឈានចូលដល់ 12 ខែចុងក្រោយនៃកុងត្រារបស់គាត់ជាមួយ Napoli ហើយក្លឹបពិតជាមិនចង់លក់គាត់ចេញឡើយ។ យ៉ាងណាខ្សែបម្រើរូបនេះបានស្នើសុំចាកចេញពីក្លឹប ហើយវាជាហេតុផលដែល Napoli ត្រូវបង្ខំចិត្តលក់គាត់ មុនពេលដែលកុងត្រារបស់គាត់ត្រូវផុតកំណត់ ធ្វើឲ្យ Fabian Ruiz ចាកចេញដោយគ្មានតម្លៃខ្លួន។
ទីបំផុត Napoli បានទទួលយកការដេញថ្លៃដែលមានទំហំទឹកប្រាក់ 24 លានអឺរ៉ូ។ ហើយពេលនេះពួកគេបានប្រើប្រាស់លុយដែលបានពី PSG ទៅចំណាយលើការដេញថ្លៃខ្សែបម្រើរបស់ក្លឹប Valencia គឺកីឡាករ Carlos Soler។
គួរដឹងផងដែរថា ក្នុងអំឡុងពេល 4 ឆ្នាំរបស់ Fabian Ruiz ជាមួយ Napoli ខ្សែបម្រើរូបនេះបានបង្ហាញខ្លួនសរុបចំនួន 166 ប្រកួតដោយស៊ុតបញ្ចូលទីបាន 22 គ្រាប់ និងបញ្ជូនបាល់ឲ្យមិត្តរួមក្រុមបាន 15 ដង នៅគ្រប់ព្រឹត្តិការណ៍នៃការប្រកួតទាំងអស់របស់ក្លឹប។
ប្រភព: 90 Min
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ22 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ2 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ