បាល់ទាត់អន្តរជាតិ
AC Milan បើកការពិភាក្សាផ្ទេរខ្សែការពារម្នាក់របស់ក្លឹប Tottenham Hotspur
យោងតាមរបាយការណ៍មួយបានឲ្យដឹងថា ក្លឹប AC Milan បានបើកការពិភាក្សាមួយ ជាមួយក្លឹបមាន់ខ្នាយមាស Tottenham Hotspur លើកិច្ចព្រមព្រៀងផ្ទេរខ្សែការពារ Japhet Tanganga ខណៈដែលមានក្លឹបពីរនៅ Premier League ក៏កំពុងចង់បានកីឡាកររូបនេះដែរ។
ខ្សែការពារ Tanganga បានបង្ហាញខ្លួនចំនួន 19 ប្រកួត សម្រាប់ Tottenham Hotspur កាលពីរដូវកាលមុន និងបានទាក់ទាញចំណាប់អារម្មណ៍ពីក្លឹប Southampton និង Bournemouth ផងដែរ។
យ៉ាងណាមិញ បើយោងតាមសារព័ត៌មាន Sky Sports បានឲ្យដឹងថា ក្លឹប Tottenham Hotspur នឹងបើកចំហរក្នុងការអនុញ្ញាតឲ្យ Tanganga ចាកចេញ ដោយពួកគេទើបតែបានខ្ចីជើងកីឡាករចំណូលថ្មី Clement Lenglet ពី Barcelona។
ខ្សែការពារវ័យ 23 ឆ្នាំរូបនេះបច្ចុប្បន្នហាក់ដូចជាមានទម្រង់លេងកាន់តែល្អប្រសើរឡើងពីមួយប្រកួតទៅមួយប្រកួត ហើយកាលពីនៅជាយុវជន គាត់ក៏ជាកីឡាករដែលលេងឲ្យក្រុមជម្រើសជាតិអង់គ្លេសមិនដែលអាក់ខានឡើយ តាំងពី U16 រហូតដល់ U21។
ប្រសិនបើគាត់ផ្ទេរទៅ AC Milan មែននោះ គាត់នឹងបានលេងជាមួយមិត្តក្រុមជម្រើសជាតិអង់គ្លេស Fikayo Tomori ដែលបានផ្ទេរពី Chelsea កាលពីឆ្នាំមុន និង Tiemoue Bakayoko ជាកីឡាករខ្ចីជើងពីក្លឹបតោខៀវដូចគ្នា។
ប្រភព: Metro
-
បាល់ទាត់អន្តរជាតិ1 day ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ8 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត