បាល់ទាត់អន្តរជាតិ
Barcelona កំពុងរង់ចាំការសម្រេចចិត្តរបស់ Juventus លើកិច្ចព្រមព្រៀងផ្ទេរ Memphis Depay
របាយការណ៍ចុងក្រោយមួយពីលោក Fabrizio Romano បានឲ្យដឹងថា ក្លឹបអ្នកមានបុណ្យ Barcelona កំពុងរង់ចាំការសម្រេចចិត្តរបស់ក្លឹប Juventus លើកិច្ចព្រមព្រៀងផ្ទេរខ្សែប្រយុទ្ធស្លាប Memphis Depay។
កាលពីរដូវកាលមុនអតីតគ្រូបង្វឹកលោក Ronald Koeman បានធ្វើការចុះហត្ថលេខាលើ Memphis Depay ពីក្លឹប Lyon ដោយគ្មានតម្លៃខ្លួន។ Depay បានរងរបួសមួយរយៈពេល ប៉ុន្តែគាត់បានបង្ហាញសមត្ថភាពយ៉ាងល្អ ដោយស៊ុតបញ្ចូលទីបាន 13 គ្រាប់ ក្នុងការបង្ហាញខ្លួន 37 ប្រកួត។
ទោះជាយ៉ាងណា បច្ចុប្បន្ននេះភាពសំបូរបែបនៃកីឡាករដែលលេងនៅតំបន់ប្រយុទ្ធរបស់ក្លឹប Barcelona ធ្វើឲ្យខ្សែប្រយុទ្ធសញ្ជាតិហូឡង់ Memphis Depay កាន់តែអស់ឱកាសក្នុងការបង្ហាញសមត្ថភាព និងកំពុងគិតគូពីការផ្លាស់ទៅក្លឹបថ្មីនៅរដូវកាលនេះ។
ដូចគ្នានេះដែរ ក្លឹបសេះបង្កង់ Juventus ត្រូវបានគេគិតថា គឺជាបេក្ខភាពមួយដែលមានភាគរយខ្ពស់ ក្នុងការចុះហត្ថលេខាលើ Memphis Depay ខណៈដែល Tottenham Hotspur និង Newcastle ក៏ចាប់អារម្មណ៍លើការផ្ទេរនេះដែរ។
របាយការណ៍ពី The Sun បានអះអាងថា Depay បានយល់ព្រមលើលក្ខខណ្ឌផ្ទាល់មាត់ ក្នុងការចូលរួមជាមួយក្លឹបយក្សនៅអ៊ីតាលីហើយ ប៉ុន្តែក្លឹប Juventus នៅតែតាមដានស្ថានភាពរបស់គាត់ និងមិនទាន់បានសម្រេចចិត្តជាលើកចុងក្រោយជាមួយ Barcelona ឡើយ។
ប្រភព: The Sun