បាល់ទាត់អន្តរជាតិ
ក្លឹបបិសាចក្រហម ជូនដំណឹងដល់ Harry Maguire ឲ្យស្វែងរកទ្រនំថ្មី
ក្លឹបបិសាចក្រហម Manchester United ត្រូវបានគេរាយការណ៍ថា បានប្រាប់ទៅកាន់ខ្សែការពារ Harry Maguire ថា ពួកគេគ្រោងនឹងលក់គាត់ចេញនៅឆ្នាំក្រោយ។ យ៉ាងណាកីឡាករវ័យ 29 ឆ្នាំរូបនេះបានរក្សាតំណែងជាប្រធានក្រុមដដែលនៅរដូវកាលនេះ។
បន្ទាប់ពីការមកដល់នៃគ្រូបង្វឹកថ្មីលោក Erik ten Hag បានធ្វើឲ្យ Harry Maguire លែងក្លាយជាជម្រើសដំបូង ចាប់តាំងពីពាក់កណ្តាលខែសីហាមកម្ល៉េះ ដោយគ្រូបង្វឹកបានប្រើប្រាស់ Lisandro Martinez និង Raphael Varane ជាជម្រើសដំបូង ក្នុងការលេងតំណែងជាខ្សែការពារកណ្ដាល។ ទន្ទឹមនឹងនេះដែរ Victor Lindelof ក៏ជាជម្រើសមួយដែលនៅពីមុខ Harry Maguire ដែរដោយលោក Ten Hag បានចាត់ទុកខ្សែការពារសញ្ជាតិអង់គ្លេសរូបនេះ ជាជម្រើសទីបួនឯណោះ។
Maguire នឹងលេងតំណាងឲ្យប្រទេសអង់គ្លេស ក្នុងព្រឹត្តិការណ៍ World Cup ឆ្នាំនេះ ប៉ុន្តែអនាគតរបស់គាត់នៅ Old Trafford គឺមិនច្បាស់លាស់ឡើយ ទោះបីជាកុងត្រាបច្ចុប្បន្នរបស់គាត់នៅសល់រយៈពេល 3 ឆ្នាំទៀតក៏ដោយ។
យោងតាមអ្នកកាសែតអ៊ីតាលី Rudy Galetti បានឲ្យដឹងថា ខ្សែការពារកណ្តាល Harry Maguire ត្រូវបានគេជូនដំណឹងថា ក្លឹបគ្រោងនឹងលក់គាត់នៅឆ្នាំ 2023។ ដូចគ្នានេះដែរលោក Galetti បានអះអាងថា អតីតក្លឹបចាស់ Leicester City កំពុងចាប់អារម្មណ៍លើខ្សែការពាររូបនេះ ដើម្បីនាំយកគាត់ទៅកាន់ទឹកដី King Power វិញ។
ប្រភព: Sportsmole
-
បាល់ទាត់អន្តរជាតិ1 day ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ1 day ago
Man United ត្រៀមដាក់សំណើរច្រើនជាង 80 លានអឺរ៉ូ ដើម្បីចុះហត្ថលេខាលើ Ronald Araujo
-
បាល់ទាត់អន្តរជាតិ1 day ago
PSG គ្រងតំណែងជើងឯក Ligue 1 ជាលើកទី 12 ក្នុងប្រវត្តិសាស្ត្ររបស់ខ្លួន