បាល់ទាត់អន្តរជាតិ
Pep Guardiola កំពុងពិចារណាលើអនាគតរបស់ Joao Cancelo
ក្លឹបមេឃខៀវ Manchester City រកមិនឃើញកន្លែងសម្រាប់ឲ្យខ្សែការពារ Joao Cancelo លេងបាននោះទេ អស់រយៈពេលជាងមួយឆ្នាំមកនេះ ហើយក៏ហាក់ដូចជាគ្មានកន្លែងសម្រាប់កីឡាករសញ្ជាតិព័រទុយហ្គាល់រូបនេះផងដែរ នាពេលអនាគត។
យោងតាមអ្នកកាសែត Gabriel Sans បានឲ្យដឹងថា គ្រូបង្វឹករបស់ក្លឹប Manchester City លោក Pep Guardiola បានបង្ហាញនូវបំណងរបស់ខ្លួនរួចហើយ ដោយមិនចង់បានកីឡាករវ័យក្បែរ 30 ឆ្នាំរូបនេះ ចូលក្នុងក្រុមរបស់ខ្លួនវិញឡើយ និងត្រៀមឲ្យក្លឹបលក់គេចេញនៅរដូវក្ដៅខាងមុខទៀតផង។
ទោះបីជាត្រូវការលក់ Joao Cancelo ក៏ដោយ ក៏ Manchester City នៅតែពិចារណាដាក់កីឡាកររូបនេះឲ្យខ្ចីជើងនៅរដូវកាលក្រោយទៀត ហើយនោះជាអ្វីដែល Barcelona ចង់បានផងដែរ។ ក្លឹបកាតាឡាន់ដែលបានខ្ចីជើង Joao Cancelo នៅរដូវកាលនេះ ចង់ស្នើរខ្ចីជើងគេ 1 រដូវកាលបន្ថែមទៀត ស្របពេលដែល Man City ចង់លក់ផ្ដាច់កុងត្រារបស់គេ 30 លានអឺរ៉ូ។ Barcelona ប្រហែលជា ហ៊ានចំណាយត្រឹមតែចន្លោះពី 15 ទៅ 20 លានអឺរ៉ូប៉ុណ្ណោះ។
ប្រភព: Dailysports
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ2 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ