Connect with us

បាល់ទាត់ជាតិ

សហព័ន្ធ​ប្រកាស​ពី​ការ​ចាកចេញ​របស់​លោក Keisuke Honda ក្នុង​តួ​នាទី​ជា​គ្រូ​បង្វឹក​ក្រុម​ជម្រើស​ជាតិ​ឈុត​ធំ

Published

on

កាល​ពី​ប្រហែល 1 ម៉ោង​មុន​នេះ សហព័ន្ធ​កីឡា​បាល់ទាត់​នៃ​ប្រទេស​របស់​យើង បាន​ប្រកាស​ជា​ផ្លូវការណ៍​អំពី​ការ​ចាកចេញ​របស់​គ្រូ​បង្វឹក​លោក Keisuke Honda ដោយ​អស់​ភារៈកិច្ច​ជាមួយ​ក្រុម​ជម្រើស​ជាតិ​ឈុតធំ​ហើយ។ យ៉ាង​ណា​គ្រូ​បង្វឹក​សញ្ជាតិ​ជប៉ុន​រូប​នេះ នៅ​បន្ត​ដឹកនាំ​ឈុត​យុវជន​អាយុ​ក្រោម 22 ឆ្នាំ ត្រៀម​ប្រកួត SEA Games នៅ​ខែ​ឧសភា​ខាង​មុខ។

យោងតាម​ផេក​សហព័ន្ធ​កីឡា​បាល់ទាត់​កម្ពុជា​បាន​សរសេរ​ថា៖ “សហព័ន្ធ​កីឡាបាល់ទាត់​កម្ពុជា សូម​ធ្វើ​ការ​ថ្លែង​អំណរ​គុណ​យ៉ាង​ជ្រាល​ជ្រៅ​ទៅ​កាន់​អ្នក​ចាត់ការ​ទូទៅ លោក Keisuke Honda សម្រាប់​ការ​ចូល​រួម​ចំណែក ចំណាយ​ពេល​វេលា​ផ្ទាល់​ខ្លួន និង​ខិត​ខំ​ប្រឹងប្រែង​ជា​មួយ​ក្រុម​ជម្រើសជាតិ​កម្ពុជា “ឈុតធំ” នា​ពេល​កន្លង​មក ពោល​គឺ​ចាប់​តាំង​ពី​ខែ​សីហា ឆ្នាំ 2018 ដល់​ខែ​មករា ឆ្នាំ2023 នេះ ដោយ​ការ​ប្រកួត​រវាង​ក្រុម​ជម្រើសជាតិ​កម្ពុជា ទល់​នឹង​ក្រុម​ជម្រើស​ជាតិ​ថៃ​ គឺ​ជា​ការ​ប្រកួត​ចុង​ក្រោយ​របស់​លោក ជាមួយ​នឹង​ក្រុម​ជម្រើសជាតិ​កម្ពុជា (ឈុតធំ)”។

សហព័ន្ធ​កីឡា​បាល់ទាត់​កម្ពុជា​បាន​បញ្ជាក់​បន្ថែម​ទៀត​ថា៖ “លោក Keisuke Honda នឹង​បន្ត​ភារៈកិច្ច​របស់​ខ្លួន​ក្នុង​បេសក​កម្ម​ចុងក្រោយ ក្នុង​នាម​ជា​គ្រូបង្វឹក​របស់​ក្រុម​ជម្រើសជាតិ​កម្ពុជា អាយុ​ក្រោម 22 ឆ្នាំ ដែល​គ្រោង​នឹង​ចាប់​ផ្ដើម​ប្រមូល​ផ្ដុំ​ហ្វឹកហាត់​នៅ​ក្នុង​ខែ​កុម្ភៈ ដើម្បី​ត្រៀម​ខ្លួន​សម្រាប់​ការ​ប្រកួត​កីឡា SEA Games នៅ​ខែ​ឧសភា ឆ្នាំ 2023 ខាង​មុខ​នេះ។

ប្រភព: សហព័ន្ធ​កីឡាបាល់ទាត់​កម្ពុជា

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២