បាល់ទាត់អន្តរជាតិ
Ryan Gravenberch សម្រេចចិត្តចូលរួមជាមួយ Liverpool និងបដិសេធសំណើររបស់ Man United
ខ្សែបម្រើ Ryan Gravenberch របស់ក្លឹប Bayern Munich ពេញចិត្តក្នុងការផ្ទេរទៅកាន់ក្លឹបហង្សក្រហម Liverpool ជាងការផ្ទេរទៅចូលរួមជាមួយបិសាចក្រហម Manchester United ខណៈដែលពេលនេះក្រុមរបស់លោក Jurgen Klopp កំពុងបើកការពិភាក្សាជាមួយក្លឹបម្ចាស់ជើងឯក Bundesliga ទាក់ទងនឹងការចុះហត្ថលេខាកីឡាករឆ្នើមរូបនេះ។
យ៉ាងណាមិញ Gravenberch ចង់ចាកចេញពី Bayern Munich ឲ្យបានមុនថ្ងៃកំណត់នៃទីផ្សារផ្ទេរកីឡាកររដូវក្ដៅនេះបិទ។ កីឡាករសញ្ជាតិហូឡង់រូបនេះ បានជួបការលំបាកក្នុងការប្រជែងតំណែងលេងឲ្យបានទៀងទាត់នៅ Bayern Munich ក្រោមការដឹកនាំរបស់គ្រូបង្វឹកលោក Thomas Tuchel។
ខ្សែបម្រើវ័យ 21 ឆ្នាំរូបនេះបានចូលរួមជាមួយ Bayern Munich ដោយផ្ទេរពី AFC Ajax កាលពីឆ្នាំមុនក្នុងតម្លៃខ្លួន 18.5 លានអឺរ៉ូ (16 លានផោន)។ ទាំងហង្សក្រហម Liverpool និង Manchester United បានទាក់ទងទៅកាន់អ្នកតំណាងរបស់ Gravenberch នៅរដូវក្តៅនេះ ប៉ុន្តែក្លឹប Premier League ទាំងពីរនេះមិនទាន់ដាក់សំណើទៅ Bayern Munich នៅឡើយទេ។ ទោះបីជាយ៉ាងណាក៏ដោយ បើតាមរបាយការណ៍ពី The Athletic បានអះអាងថា ពេលនេះ Liverpool បានបើកការចរចារជាមួយ Bayern Munich ជុំវិញតម្លៃខ្លួន និងការចុះហត្ថលេខានាំយក Gravenberch មក Anfield ហើយ។
ប្រភព: Dailypost NG
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or