បាល់ទាត់អន្តរជាតិ
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or
កាលពីរំលងអាធ្រាតយប់មិញនេះ ក្លឹបអធិរាជស Real Madrid បានយកឈ្នះក្រុមភ្ញៀវ Bayern Munich ដើម្បីឡើងទៅកាន់ការប្រកួតវគ្គផ្ដាច់ព្រ័ត UEFA Champions League។ យ៉ាងណាមិញ Real Madrid កំពុងសម្លឹងមើលការឈ្នះពាន UCL ជាលើកទី 15 ក្នុងប្រវត្តិសាស្ត្រក្លឹបរបស់ខ្លួន។
ក្លឹបអធិរាជស Real Madrid នឹងត្រូវជួបជាមួយ Dortmund នៅវគ្គផ្ដាច់ព្រ័ត ថ្ងៃទី 2 ខែក្រោយ។ ដោយឡែក គេបានសម្លឹងមើលឃើញថា គុណសម្បត្តិនៃការឡើងមកដល់វគ្គផ្ដាច់ព្រ័តរបស់ Real Madrid បែបនេះ នឹងធ្វើឲ្យកីឡាកររបស់ពួកគេអាចឈ្នះ Ballon d’Or ផងដែរ។ ជាក់ស្ដែងក្រោយបានទម្លាក់ Bayern Munich ហើយ គ្រូបង្វឹកលោក Carlo Ancelotti បានលើកឡើងថា កូនក្រុមរបស់គាត់គឺកីឡាករ Vini Jr អាចនឹងឈ្នះ Ballon d’Or នៅឆ្នាំនេះ។
យោងតាមសម្ដីរបស់លោក Carlo Ancelotti ដែលបានដកស្រង់ដោយលោក Fabrizio Romano បានឲ្យដឹងថា៖ “អារម្មណ៍របស់ខ្ញុំគឺថា Vini Jr ជិតឈ្នះ Ballon d’Or ហើយ។ អ្វីដែលគាត់ធ្វើនៅរដូវកាលនេះគឺ ពិតជាអស្ចារ្យណាស់។ គាត់តែងតែបង្ហាញខ្លួនលេចធ្លោរ ក្នុងពេលវេលាសំខាន់”។
ប្រភព: Fabrizio Romano
-
បាល់ទាត់អន្តរជាតិ2 days ago
កីឡាករឆ្នើម 5 រូប ដែលមិនត្រូវបានកោះហៅឲ្យចូលក្រុមជម្រើសជាតិបារាំង
-
បាល់ទាត់អន្តរជាតិ2 days ago
មូលហេតុដែល Neymar មិនត្រូវបានកោះហៅឲ្យចូលក្រុមជម្រើសជាតិប្រេស៊ីល
-
បាល់ទាត់អន្តរជាតិ2 days ago
ក្រដាសកុងត្រាដំបូងរបស់ Messi ជាមួយ Barcelona ដាក់ដេញថ្លៃបានជិតមួយលានដុល្លារ