បាល់ទាត់អន្តរជាតិ
Ronald Koeman ប្រាប់មូលហេតុដែលមិនកោះហៅ Ryan Gravenberch ឲ្យចូលក្រុមជម្រើសជាតិហូឡង់
លោក Ronald Koeman ដែលជាគ្រូបង្វឹករបស់ហូឡង់បានសារភាពថា លោកនៅតែមានចិត្តខឹងចំពោះ Ryan Gravenberch ដែលបច្ចុប្បន្នកំពុងលេងនៅ Liverpool ប៉ុន្តែគាត់បានលើកឡើងថា ការវិលត្រឡប់មកវិញសម្រាប់ខ្សែបម្រើកណ្តាលរូបនេះ មកក្នុងក្រុមជម្រើសជាតិនៅតែអាចកើតឡើង ក្នុងពេលវេលាណាមួយនាពេលអនាគត។
Ryan Gravenberch កាលពីរដូវកាលមុន 2022-2023 ពេលនៅជាមួយ Bayern Munich កីឡាករវ័យ 21 ឆ្នាំរូបនេះមិនសូវមានឱកាសបង្ហាញសមត្ថភាពឡើយ។ ជាលទ្ធផលគាត់បានជ្រើសរើសដោយផ្ទេរទៅចូលរួមជាមួយ Liverpool ក្នុងតម្លៃ 34 លានផោន កាលពីដើមរដូវកាលនេះ។
បន្ទាប់មក Ryan Gravenberch ត្រូវបានកោះហៅឲ្យចូលរួមជាមួយក្រុមជម្រើសជាតិអាយុក្រោម 21 ឆ្នាំ (U-21) របស់ហូឡង់ ប៉ុន្តែគាត់បានបដិសេធឱកាសក្នុងការលេងតំណាងឲ្យប្រទេសរបស់គាត់ ដោយបានប្រាប់ទៅសហព័ន្ធបាល់ទាត់ហូឡង់ថា គាត់ចង់ផ្ដោតលើការលេងឲ្យក្លឹបថ្មី Liverpool សិន។
ក្នុងខណៈពេលនោះ ការសម្រេចចិត្តរបស់ខ្សែបម្រើរូបនេះ ត្រូវបានទទួលរងរិះគន់ដោយគ្រូបង្វឹកឈុតធំរបស់ក្រុមគឺលោក Ronald Koeman ផងដែរ។ ក្រោយមកទៀត Ryan Gravenberch ត្រូវបានក្រុមជម្រើសជាតិហូឡង់លុបឈ្មោះចេញទាំងក្នុងឈុតធំ និងឈុតអាយុក្រោម 21 ឆ្នាំរបស់ពួកគេ ហើយការប្រកួតរបស់ក្រុមជម្រើសជាតិក្នុងខែនេះ គាត់ក៏មិនត្រូវបានកោះហៅដូចគ្នា។
សម្ដីដែលបានដកស្រង់ដោយសារព័ត៌មានហូឡង់ Via Nu.nl លោក Ronald Koeman បាននិយាយថា៖ “គាត់ (Gravenberch) មិនទាន់បានលេងច្រើននៅឡើយទេ សម្រាប់ Liverpool។ ខ្ញុំនៅតែគិតថា គាត់មានទេពកោសល្យដ៏អស្ចារ្យ ហើយខ្ញុំសង្ឃឹមថា គាត់នឹងលេងបានច្រើននៅ Liverpool និងបន្តការអភិវឌ្ឍខ្លួនបន្តទៀត។ បន្ទាប់មកគាត់នឹងក្លាយជាកីឡាករសម្រាប់ហូឡង់”។
ប្រភព: Sportsmole
-
បាល់ទាត់អន្តរជាតិ1 day ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ20 hours ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!