បាល់ទាត់អន្តរជាតិ
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
គ្រូបង្វឹករបស់ក្លឹបយក្សបារាំង PSG លោក Luis Enrique កំពុងពេញចិត្តជាខ្លាំងលើទម្រង់លេងរបស់ខ្សែបម្រើ Vitinha ហើយបានប្រាប់ក្លឹបរបស់ខ្លួនឲ្យបន្តកុងត្រាថ្មីបន្ថែម ដើម្បីរក្សាទុកកីឡាករឆ្នើមរូបនេះជាច្រើនរដូវកាលទៀតជាមួយក្រុមរបស់ខ្លួន (នេះតាមប្រភពដែលបានអះអាងដោយលោក Fabrizio Romano)។
កាលពីពេលថ្មីៗនេះលោក Luis Enrique បាននិយាយសរសើរ Vitinha ថា៖ “គាត់ (Vitinha) ស្ថិតក្នុងចំណោមខ្សែបម្រើល្អបំផុតក្នុងពិភពបាល់ទាត់។ គាត់ធ្វើបានល្អណាស់ រដូវកាលនេះ ជារដូវកាលដ៏អស្ចារ្យរបស់គាត់។ Vitinha អាចរកគ្រាប់បាល់បាន ប៉ុន្តែគាត់បានពង្រឹងច្រើនលើការបម្រើការពារ ហើយគាត់ជាកីឡាករល្អបំផុតម្នាក់ដែលក្រុមរបស់យើងមាន”។
កីឡាករសញ្ជាតិព័រទុយហ្គាល់ Vitinha បានចូលរួមជាមួយ PSG ដោយផ្ទេរពីក្លឹប Porto នៅរដូវក្តៅឆ្នាំ 2022 ជាមួយនឹងតម្លៃខ្លួន 42 លានអឺរ៉ូ។ រដូវកាលនេះ Vitinha បានក្លាយជាកីឡាករដ៏សំខាន់ម្នាក់ ក្រោមការដឹកនាំរបស់លោក Luis Enrique។ កីឡាករវ័យ 24 ឆ្នាំរូបនេះ បានចូលរួមចំណែកដោយស៊ុតបញ្ចូលទីបាន 9 គ្រាប់ និងបញ្ជូនបាល់ឲ្យមិត្តរួមក្រុមបាន 5 ដង ក្នុងការបង្ហាញខ្លួនចំនួន 42 ប្រកួត។
ប្រភព: Dailysports
-
បាល់ទាត់អន្តរជាតិ3 days ago
Real Madrid ចាប់អារម្មណ៍លើខ្សែបម្រើតម្លៃ 60 លានផោន របស់ហង្សក្រហម Liverpool
-
បាល់ទាត់អន្តរជាតិ3 days ago
Messi និង Insigne ក្លាយជាកីឡាករដែលមានប្រាក់ខែខ្ពស់ជាងគេបំផុតនៅលីគអាមេរិក MLS
-
បាល់ទាត់អន្តរជាតិ2 days ago
Roma ត្រៀមទិញផ្ដាច់កុងត្រារបស់ខ្សែការពារស្លាប Angelino