បាល់ទាត់អន្តរជាតិ
Alexis Sanchez ស្រក់ទឹកភ្នែក ក្រោយត្រូវក្លឹប Inter Milan បញ្ចប់កុងត្រារបស់គាត់មុនកំណត់
អតីតវីរបុរសក្លឹបកាំភ្លើងធំ Arsenal និងជាអតីតកីឡាកររបស់ Manchester United គឺកីឡាករ Alexis Sanchez បានលុបចោលកុងត្រារបស់គាត់ជាមួយក្លឹបបច្ចុប្បន្ន Inter Milan មុនកំណត់មកដល់ ដើម្បីចុះហត្ថលេខាជាមួយក្លឹបថ្មី នេះបើយោងតាមរបាយការណ៍មួយដែលបានចុះផ្សាយកាលពីថ្មីៗនេះ។
ខ្សែប្រយុទ្ធ Alexis Sanchez ធ្លាប់ជាកំពូលកីឡាករដ៏លេចធ្លោរបំផុត ក្នុងអំឡុងពេល 4 ឆ្នាំរបស់គាត់នៅ Emirates ហើយខ្សែប្រយុទ្ធរូបនេះបានជួយឲ្យក្លឹបកាំភ្លើងធំ Arsenal ឈ្នះពានរង្វាន់ FA Cup ចំនួនពីរ ដោយស៊ុតបញ្ចូលទីបាន 80 គ្រាប់ក្នុងការបង្ហាញខ្លួន 166 ប្រកួត។
ក្រោយមកកីឡាករសញ្ជាតិឈីលីវ័យ 33 ឆ្នាំរូបនេះបានផ្លាស់ទៅ Manchester United ក្នុងឆ្នាំ 2018 ប៉ុន្តែគាត់បានបរាជ័យក្នុងការក្លាយជាកីឡាករសំខាន់នៅ Old Trafford ដោយស៊ុតបញ្ចូលទីបាន 5 គ្រាប់ប៉ុណ្ណោះ ក្នុងការបង្ហាញខ្លួន 45 ប្រកួត ហើយគាត់ក៏បានចាកចេញនៅឆ្នាំ 2020។
Sanchez បានចាកចេញទៅចូលរួមជាមួយក្លឹប Inter Milan ហើយបានជោគជ័យជាមួយក្លឹបអ៊ីតាលី ដោយបានឈ្នះពាន Serie A ក្នុងរដូវកាលឆ្នាំ 2020-21 និងបានលើកពាន Coppa Italia កាលពីរដូវកាលមុនផងដែរ។
ដោយឡែក Alexis Sanchez ស្ថិតនៅក្រោមកុងត្រារហូតដល់ខែមិថុនា ឆ្នាំ 2023 ជាមួយ Inter Milan ប៉ុន្តែយោងតាមរបាយការណ៍ពី Football Italia បានឲ្យដឹងថា គាត់បានបញ្ចប់កុងត្រាបច្ចុប្បន្នរបស់ខ្លួនមុនកំណត់ ដោយការយល់ព្រមទៅវិញទៅមករវាងក្លឹប និងសាមីខ្លួន បន្ទាប់ពីការចរចាជាច្រើនសប្តាហ៍កន្លងទៅ។ Alexis Sanchez គ្រោងនឹងផ្លាស់ទៅក្លឹបថ្មី Olympique Marseille ដែលស្ថិតនៅលីគកំពូលប្រទេសបារាំង។
ពាក់ព័ន្ធនឹងរឿងនេះដែរ ត្រូវបានគេជឿថា Sanchez ពិតជាមិនចង់ចាកចេញឡើយ ប៉ុន្តែគាត់ត្រូវតែបង្ខំចិត្តចាកចេញ ព្រោះមិនបានស្ថិតក្នុងផែនការរបស់គ្រូបង្វឹកលោក Simone Inzaghi សម្រាប់រដូវកាលថ្មីឆ្នាំ 2022-23 នេះទេ ហើយដោយសារតែគាត់ គឺជាកីឡាករដែលមានប្រាក់ខែខ្ពស់ជាងគេនៅក្នុងក្រុមទៀតផង។
ប្រសិនបើគាត់ផ្ទេរទៅចូលរួមជាមួយ Marseille គាត់នឹងបានលេងជាមួយអតីតមិត្តចាស់របស់ខ្លួននៅ Arsenal ដែលមាន Sead Kolasinac និង Matteo Guendouzi ព្រមទាំង Nuno Tavares ដែលកំពុងខ្ចីជើងនៅទីនោះដែរ។
ប្រភព: Metro
បិសាចក្រហមត្រៀមទិញខ្សែបម្រើឆ្នើមមួយរូប ដែលគេផ្ដល់រហ័ស្សនាមថាជា Martin Odegaard ទី 2
អតីតកីឡាករឆ្នើមម្នាក់របស់ Real Madrid ផ្ទេរទៅលេងនៅលីគម៉ាឡេស៊ី
Bayern Munich អាចនឹងលក់ខ្សែប្រយុទ្ធរបស់ខ្លួនរូបនេះ ទៅឲ្យ Barcelona
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ5 days agoបិសាចក្រហមអាចនឹងបញ្ចេញ Joshua Zirkzee ដើម្បីប្ដូរយកខ្សែប្រយុទ្ធដ៏លេចធ្លោរម្នាក់នៅលីគអ៊ីតាលី
-
បាល់ទាត់អន្តរជាតិ3 days agoខ្សែការពារ 2 រូបនេះ អាចនឹងមានម្នាក់ផ្ទេរទៅលេងនៅ Real Madrid ឆ្នាំក្រោយ
-
បាល់ទាត់អន្តរជាតិ4 days agoGriezmann នឹងចូលរួមជាមួយក្លឹប Inter Miami នៅចុងបញ្ចប់នៃរដូវកាលនេះ!!!
