បាល់ទាត់អន្តរជាតិ
Steven Gerrard ចង់នាំយកខ្សែការពារ Boubacar Kamara ពីក្លឹប Marseille
គ្រូបង្វឹកលោក Steven Gerrard ត្រូវបានគេប្រទះឃើញនៅកីឡដ្ឋាន Stade Velodrome កាលពីយប់ថ្ងៃពុធ ដោយអ្នកចាត់ការទូទៅរបស់ក្លឹប Aston Villa រូបនេះបានទៅទស្សនាការប្រកួតរវាងក្លឹប Marseille និង Nantes។
ទាក់ទងនឹងរឿងនេះដែរ ត្រូវបានគេរាយការណ៍ថា Steven Gerrard កំពុងឃ្លាំមើលខ្សែបម្រើការពារ Boubacar Kamara របស់ក្លឹប Marseille។ Gerrard ត្រូវបានក្លឹបផ្តល់អាទិភាពលើការចុះហត្ថលេខាលើកីឡាករថ្មី ដើម្បីកែទម្រង់លេងរបស់ក្រុម នៅរដូវក្តៅនេះ។
របាយការណ៍ពី Sportsmail បានបង្ហាញកាលពីខែមុនថា ក្លឹប Aston Villa ត្រៀមក្នុងការលក់កីឡាករសញ្ជាតិប្រេស៊ីល Douglas Luiz ដោយ Gerrard មិនបានចាប់អារម្មណ៍ចំពោះទម្រង់លេងរបស់គាត់ឡើយ។
យ៉ាងណាមិញ Kamara ដែលបច្ចុប្បន្នមានវ័យ 22 ឆ្នាំ ត្រូវបានវាយតម្លៃថា ជាខ្សែបម្រើការពារវ័យក្មេងដ៏ល្អបំផុតម្នាក់នៅអឺរ៉ុប ហើយរបាយការណ៍របស់ RMC បានឲ្យដឹងថា គាត់ជាហេតុផលដ៏សំខាន់ដែល Gerrard នឹងនាំយកគាត់ពី Marseille នៅចុងបញ្ចប់នៃរដូវកាលនេះ។
ប្រភព: Dailymail
-
បាល់ទាត់អន្តរជាតិ3 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ1 day ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)