បាល់ទាត់អន្តរជាតិ
Guti ថា Real Madrid នឹងចុះហត្ថលេខាលើខ្សែប្រយុទ្ធរូបនេះ ប្រសិនបើ Mbappe បន្តកុងត្រាថ្មីជាមួយ PSG
អតីតវីរបុរសរបស់ក្លឹបអធិរាជស Real Madrid លោក Guti បាននិយាយថា ក្លឹប Real Madrid អាចនឹងពិចារណាចុះហត្ថលេខាលើ Erling Haaland របស់ Manchester City ប្រសិនបើខ្សែប្រយុទ្ធ Kylian Mbappe ជ្រើសរើសយកជម្រើសដោយបន្តកុងត្រាថ្មីជាមួយ Paris Saint-Germain។
យ៉ាងណាមិញ Kylian Mbappe បានបដិសេធក្នុងបន្តកុងត្រាថ្មីរយៈពេលមួយឆ្នាំរបស់គាត់ ជាមួយ PSG ដោយនៅពេលចប់កុងត្រាជាមួយក្រុមម្ចាស់ជើងឯក Ligue 1 របស់បារាំងនៅចុងរដូវកាល 2023-2024 នេះ គាត់នឹងចាកចេញដោយគ្មានតម្លៃខ្លួន។ ចាប់តាំងពីពេលនោះមក PSG បានស្វែងរកវិធីលក់ Mbappe ហើយមានតែ Real Madrid ប៉ុណ្ណោះ ដែលស្ថិតក្នុងចិត្តរបស់កីឡាករសញ្ជាតិបារាំងរូបនេះ។
ក្រោយមកទៀត Kylian Mbappe ត្រូវបាន PSG ពិន័យមិនឲ្យចូលរួមហ្វឹកហាត់ជាមួយមិត្តរួមក្រុម និងខកខានការប្រកួតបើកឆាកលីគផងដែរ។ ទោះជាយ៉ាងណាក៏ដោយ ពេលនេះស្ថានភាពបានផ្លាស់ប្តូរ ខណៈដែល Mbappe បានត្រឡប់ទៅហ្វឹកហាត់ជាធម្មតាជាមួយ PSG ហើយគាត់ទំនងជានឹងយល់ព្រមបន្តកុងត្រាដើម្បីស្នាក់នៅទឹកដីបារាំងបន្តទៀតផងដែរ។
និយាយអំពីស្ថានភាពរបស់ Mbappe លោក Guti បានលើកឡើងថា៖ “ខ្ញុំចង់ឲ្យ Mbappe លេងជាកីឡាកររបស់ Real Madrid។ កឹ្លប Real Madrid ក៏មិនអាចមានលទ្ធភាពទិញយកគាត់នៅពេលនេះបានដែរ។ ប៉ុន្តែប្រសិនបើ Mbappe បន្តកុងត្រាជាមួយ PSG វានឹងបង្ហាញថា គាត់កំពុងធ្វើអ្វីៗគ្រប់យ៉ាងដើម្បីលុយ។ ប្រសិនបើរឿងនោះកើតឡើង Real Madrid នឹងត្រូវជ្រើសរើស Erling Haaland ជំនួសវិញ”។
ប្រភព: Dailypost NG
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or