Endrick ត្រូវ​បាន​កោះហៅ​ឲ្យ​ចូល​ក្រុម​ជម្រើស​ជាតិ​ប្រេស៊ីល ត្រៀម​ប៉ះ​អាហ្សង់ទីន​ចុង​ខែ​នេះ

ខ្សែប្រយុទ្ធ​របស់​ក្លឹប Palmeiras ក៏​ដូច​ជា​អនាគត​ខ្សែប្រយុទ្ធ​​របស់ Real Madrid គឺ​កីឡាករ Endrick ត្រូវ​បាន​កោះ​ហៅ​ឲ្យ​ចូល​ក្រុម​ជម្រើស​ជាតិ​ប្រេស៊ីល សម្រាប់​ការ​ប្រកួត​ជម្រុះ World Cup ក្នុង​ខែ​នេះ ដែល​ជា​ការ​ប្រកួត​ទល់​នឹង​ក្រុម​ជម្រើស​ជាតិ​អាហ្សង់ទីន និង​កូឡុំប៊ី។

កីឡាករ​វ័យ 17 ឆ្នាំ​រូបនេះ​មាន​ទម្រង់​លេង​យ៉ាង​ល្អ​សម្រាប់​ក្លឹប Palmeiras ក្នុង​រយៈពេល​ចុង​ក្រោយ​នេះ ហើយ​បាន​ស៊ុតបញ្ចូលទី​បាន 3 គ្រាប់ ក្នុង​ការ​ប្រកួត​ក្របខ័ណ្ឌ Serie A របស់​ប្រេស៊ីល 2 លើក​ចុងក្រោយ​របស់​គាត់។ ថ្វី​បើ​គាត់​មាន​វ័យ​ក្មេង និង​មិន​ទាន់​មាន​បទ​ពិសោធន៍​ច្រើន​ក៏ដោយ Endrick គឺ​ជា​ខ្សែប្រយុទ្ធ​កណ្ដាល​ដ៏​សំខាន់ សម្រាប់​ក្លឹប​បច្ចុប្បន្ន​របស់​គាត់ និង​បាន​បង្ហាញ​ខ្លួន​ច្រើន​ជាង 50 ប្រកួត ក្នុង​នាម​ជា​ជម្រើស​ដំបូង​របស់ Palmeiras។

Endrick មិន​មែន​​ជា​កីឡាករ​តែ​ម្នាក់​គត់​ដែល​ទើប​នឹង​កោះហៅ​ឲ្យ​ចូល​ក្រុម​ជម្រើស​ជាតិ​នោះ​ទេ។ ​គ្រូបង្វឹក​បណ្ដោះអាសន្ន​របស់​ប្រេស៊ីល​លោក Fernando Diniz បាន​មើល​ឃើញ​ខ្សែប្រយុទ្ធ Joao Pedro របស់​ក្លឹប Brighton ក៏​ត្រូវ​បាន​ដាក់​បញ្ចូល​ឈ្មោះ​ក្នុង​បញ្ជី​ឈ្មោះ​កីឡាករ​ទាំង 24 នាក់​ចុងក្រោយ​ផងដែរ។

– អ្នកចាំទី
Alisson (Liverpool)
Ederson (Man City)
Lucas Perri (Botafogo)

– ខ្សែការពារ
Bremer (Juventus)
Gabriel (Arsenal)
Marquinhos (PSG)
Nino (Fluminense)
Emerson Royal (Tottenham)
Carlos Augusto (Inter Milan)
Renan Lodi (Marseille)

– ខ្សែបម្រើ
Andre (Fluminense)
Bruno Guimaraes (Newcastle)
Douglas Luis (Aston Villa)
Joelinton (Newcastle)
Raphael Veiga (Palmeiras)
Rodrygo (Real Madrid)

– ខ្សែប្រយុទ្ធ
Endrick (Palmeiras)
Gabriel Jesus (Arsenal)
Gabriel Martinelli (Arsenal)
Joao Pedro (Brighton)
Paulinho (Atletico Mineiro)
Pepe (Porto)
Raphinha (Barcelona)
Vinicius Junior (Real Madrid)

ប្រភព: Sportsmole