បាល់ទាត់អន្តរជាតិ
Jamaal Lascelles រិះគន់កីឡាកររបស់ Arsenal រូបនេះថា មានចរិតមិនល្អ និងមិនសាកសមជាកីឡាករបាល់ទាត់
កាពីតែនក្រុមរបស់ក្លឹប Newcastle United គឺកីឡាករ Jamaal Lascelles បានរិះគន់ក្រុមកីឡាកររបស់ Arsenal ថា ជាអ្នកចាញ់ដែលមានចរិតមិនទទួលស្គាល់ការពិត ហើយគាត់កំពុងខឹងផងដែរជាពិសេសចំពោះខ្សែបម្រើ Jorginho ដែលបដិសេធមិនចាប់ដៃជាមួយគាត់ ក្រោយចប់ការប្រកួត។
យ៉ាងណាមិញ កាលពីប៉ុន្មានថ្ងៃមុន Newcastle United បានដណ្តើមជ័យជម្នះដ៏ចម្រូងចម្រាសក្នុងលទ្ធផល 1-0 នៅកីឡដ្ឋាន St James’ Park ជាមួយនឹងគ្រាប់បាល់របស់ Anthony Gordon។ ក្រោយចប់ការប្រកួត ទាំងគ្រូបង្វឹក និងកីឡាកររបស់ Arsenal ហាក់បានចាត់ទុកថា គ្រាប់បាល់មួយគ្រាប់របស់ Newcastle ជាគ្រាប់បាល់មានកំហុស និងមិនគួរផ្ដល់ឲ្យដោយ VAR ឡើយ។
ដោយឡែកនៅពេលនេះខ្សែការពារ Jamaal Lascelles បានបង្ហើបថា ក្រោយចប់ការប្រកួត គាត់បានទៅចាប់ដៃ Jorginho ប៉ុន្តែកីឡាករសញ្ជាតិអ៊ីតាលីរូបនេះបានបដិសេធមិនព្រមចាប់ដៃជាមួយ។ Lascelles បានប្រាប់ Daily Mirror ថា៖ “ខ្ញុំមិនដែលបដិសេធមិនចាប់ដៃជាមួយកាពីតែនក្រុមរបស់គូប្រកួតរបស់ខ្ញុំទេ។ អ្នកអាចមានហេតុផលមិនសុខចិត្តជាច្រើនតាមដែលអ្នកមានលើទីលានប្រកួត ប៉ុន្តែការចាប់ដៃគ្នានៅក្រោយចប់ការប្រកួត វាជាផ្នែកមួយនៃកីឡា”។
ប្រភព: Metro UK
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក