បាល់ទាត់អន្តរជាតិ
ភរិយារបស់ Palacios លក់មេដាយ និងអាវរបស់ស្វាមី ដើម្បីដោះស្រាយបំណុល
អ្នកនាង Jesica Farias ដែលជាភរិយារបស់ខ្សែបម្រើក្លឹប Bayern Leverkusen និងជាម្ចាស់ជើងឯក World Cup 2022 គឺកីឡាករអាហ្សង់ទីន Ezequiel Palacios បានលក់មេដាយ និងអាវរបស់ស្វាមីខ្លួន ដើម្បីទូទាត់បំណុលលើថ្លៃផ្ទះរបស់ពួកគេក្នុងទីក្រុង Tigre ប្រទេសអាហ្សង់ទីន (នេះបើតាមការរាយការណ៍ដោយ Mundo Deportivo)។
យោងតាមប្រភពដដែលបានឲ្យដឹងបន្ថែមទៀតថា ប្រពន្ធរបស់កីឡាករ Palacios ធ្វើបែបនេះដោយសារតែស្វាមីរបស់នាង មិនព្រមសងបំណុលជាមួយនឹងប្រាក់ដែលមានស្រាប់។ គួរដឹងផងដែរថា Jesica Farias បានដាក់ពាក្យលែងលះរួចហើយជាមួយនឹង Palacios និងមានបំណងទាមទារផ្នែកមួយនៃទ្រព្យសម្បត្តិរបស់កីឡាករវ័យ 25 ឆ្នាំរូបនេះផងដែរ។
គេមិនបានដឹងថា មានមេដាយ និងអាវរបស់កីឡាករចំនួនប៉ុន្មាន ត្រូវបានអ្នកនាង Jesica Farias លក់នោះទេ។ សូមរំលឹកផងដែរថា Palacios បានបង្ហាញខ្លួន 3 ប្រកួតនៅ World Cup ក្នុងប្រទេសកាតា ហើយក៏ជាអ្នកដែលបានឈ្នះមេដាយមាស និងពានជាមួយអាហ្សង់ទីនដែរ។ រដូវកាលនេះ Palacios ក៏ជាកីឡាករសំខាន់របស់ក្លឹប Bayer Leverkusen ដោយគេបានស៊ុតបញ្ចូលទី 5 គ្រាប់ និង Assists 2 ដង ក្នុងការបង្ហាញខ្លួន 22 ប្រកួត។
ប្រភព: Telecomasia
-
បាល់ទាត់អន្តរជាតិ1 day ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ1 day ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or