បាល់ទាត់អន្តរជាតិ
ក្លឹបចចកខ្មៅ Wolves នឹងចុះហត្ថលេខាលើខ្សែប្រយុទ្ធលេងកាច Diego Costa
របាយការណ៍ច្បាស់ការណ៍ចុងក្រោយមួយបានឲ្យដឹងថា ក្លឹបចចកខ្មៅ Wolverhampton Wanderers បានចុះកិច្ចព្រមព្រៀងជាមួយកីឡាករអាយុតិចមុខចាស់ Diego Costa ខណៈដែលគាត់បានធ្វើការពិនិត្យសុខភាពជាមួយក្លឹបរួចហើយ។
កីឡាករវ័យ 33 ឆ្នាំរូបនេះ បច្ចុប្បន្នមិនស្ថិតក្នុងកម្មសិទ្ធិរបស់ក្លឹបណាឡើយ បន្ទាប់ពីបានផុតកុងត្រាជាមួយក្លឹបនៅប្រេស៊ីល Atletico Mineiro។ ខ្សែប្រយុទ្ធសញ្ជាតិអេស្ប៉ាញ Diego Costa នឹងចុះហត្ថលេខាជាមួយ Wolves រហូតដល់ខែមិថុនា ឆ្នាំ 2023 (នេះបើតាមរបាយការណ៍ពីលោក Fabrizio Romano)។
ប្រសិនបើគ្មានឧបសគ្គណាមួយកើតឡើងនោះទេ ការប្រកាសពីការចុះហត្ថលេខារបស់គាត់ជាមួយក្លឹប Wolves នឹងរួចរាល់នៅថ្ងៃនេះ រឺថ្ងៃស្អែក។ ជាមួយគ្នានេះដែរ គាត់អាចមានវត្តមាននៅក្នុងការប្រកួតក្របខ័ណ្ឌ Premier League ពេលក្លឹបចចកខ្មៅប៉ះជាមួយនឹង Liverpool ផងដែរ។
យ៉ាងណាមិញ Wolverhampton បានធ្វើការផ្ទេរអតីតតារាឆ្នើមរបស់ក្លឹបតោខៀវ Diego Costa បន្ទាប់ពីខ្សែប្រយុទ្ធចំណូលថ្មីរបស់ពួកគេ Sasa Kalajdzic នឹងត្រូវរងរបួសរហូតដល់ឆ្នាំ 2023 ដោយសាររបួសជង្គង់ធ្ងន់ធ្ងរ និងទើបតែទទួលការវះកាត់។
ប្រភព: 90 Min
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
