បាល់ទាត់ជាតិ
កម្ពុជា នឹងធ្វើការប្រកួតបើកឆាក Merlion Cup 2023 ជាមួយម៉ាឡេស៊ី នៅថ្ងៃស្អែកនេះ!!!
នៅថ្ងៃនេះ សហព័ន្ធកីឡាបាល់ទាត់កម្ពុជា បានបង្ហាញពីការហ្វឹកហាត់លើកចុងក្រោយ ដើម្បីត្រៀមសម្រាប់ការប្រកួតផ្លូវការណ៍នៅថ្ងៃស្អែកនេះ ហើយជាការប្រកួតបើកឆាកក្នុងពានរង្វាន់ Merlion Cup 2023 ដែលធ្វើឡើងនៅក្នុងទឹកដីនៃប្រទេសសិង្ហបុរី។ កម្ពុជា នឹងត្រូវតទល់ជាមួយនឹងក្រុមខ្លាំងម៉ាឡេស៊ី ខណៈដែលម្ចាស់ផ្ទះសិង្ហបុរី ត្រូវជួបជាមួយហុងកុង។
ការប្រកួតរវាងក្រុមជម្រើសជាតិកម្ពុជា ប៉ះជាមួយម៉ាឡេស៊ី នឹងត្រូវធ្វើឡើងនៅកីឡាដ្ឋាន Jalan Besar Sports Centre វេលាម៉ោង 4:00 រសៀល (ម៉ោងនៅកម្ពុជា)។ ដោយឡែកក្នុងព្រឹត្តិការណ៍ Merlion Cup 2023 នេះ មានក្រុមដែលចូលរួមតែ 4 ប៉ុណ្ណោះក្នុងនោះមាន សិង្ហបុរី, កម្ពុជា, ម៉ាឡេស៊ី និងហុងកុង។
សម្រាប់លក្ខខណ្ឌនៃការប្រកួត គឺមិនមានភាពសុំាញាំច្រើនឡើយ ដោយក្រុមដែលឈ្នះក្នុងការប្រកួតបើកឆាកដំបូង នឹងត្រូវឡើងទៅកាន់វគ្គផ្ដាច់ព្រ័ត ដើម្បីដណ្ដើមយកពាន និងក្រុមចាញ់ក្នុងវគ្គផ្ដាច់ព្រ័ត ក្លាយជាជើងឯករង (លេខ 2)។ សម្រាប់ក្រុមដែលចាញ់ក្នុងការប្រកួតបើកឆាកដំបូង នឹងត្រូវលេងមួយប្រកួតដូចគ្នា ដើម្បីស្វែងរកអ្នកលេខ 3 និងលេខ 4។
ប្រភព: សហព័ន្ធកីឡាបាល់ទាត់កម្ពុជា
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
