បាល់ទាត់អន្តរជាតិ
Kieran Tierney ត្រៀមខ្ចីជើងមួយរដូវកាលទៅ Real Sociedad
ក្លឹប Real Sociedad ត្រូវបានគេរាយការណ៍ថា បានយល់ព្រមលើកិច្ចព្រមព្រៀងជាមួយ Arsenal ទាក់ទងនឹងការចុះហត្ថលេខាខ្ចីជើងខ្សែការពារ Kieran Tierney ហើយ។ ខ្សែការពាររូបនេះបានចំណាយពេល 4 រដូវកាលចុងក្រោយនៅ Emirates ដោយបង្ហាញខ្លួនសរុបចំនួន 124 ប្រកួត។
ទោះជាយ៉ាងណាក៏ដោយ Kieran Tierney មិនមែនជាជម្រើសដំបូងរបស់ក្រុមលោក Mikel Arteta ឡើយ ហើយជំនួសមកវិញដោយ Oleksandr Zinchenko ដែលជាបេក្ខភាពកីឡាករថ្មីផ្ទេរមកពី Man City កាលពី 2022។ កីឡាករវ័យ 26 ឆ្នាំរូបនេះត្រូវបានផ្សារភ្ជាប់យ៉ាងខ្លាំងជាមួយនឹងការផ្ទេរចេញពី Arsenal ទៅកាន់ក្លឹបមួយចំនួនដូចជា Manchester City, Newcastle United និង Celtic។
យ៉ាងណានៅពេលនេះ Real Sociedad មានជម្រើសនៃការខ្ចីជើង Kieran Tierney បាន ខណៈដែលពួកគេក៏ជាក្លឹបអេស្ប៉ាញដែលមានកៅអីលេងពាន UEFA Champions League ផងដែរ។ យោងតាមអ្នកជំនាញបាល់ទាត់លោក Fabrizio Romano បានឲ្យដឹងថា Real Sociedad បានឈានដល់កិច្ចព្រមព្រៀងផ្ទាល់មាត់ជាមួយភាគី Arsenal ហើយ។ គេបានដឹងថា Real Sociedad នឹងរ៉ាប់រងប្រាក់ខែទាំងស្រុងរបស់ Kieran Tierney ប៉ុន្តែលក្ខខណ្ឌនៃការខ្ចីជើងនេះ មិនមានជម្រើសក្នុងការទិញផ្ដាច់កុងត្រាឡើយ។
ប្រភព: Sportsmole
-
បាល់ទាត់អន្តរជាតិ1 day ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ2 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់
-
បាល់ទាត់អន្តរជាតិ2 days ago
ក្លឹបធំៗជាច្រើន កំពុងចាប់អារម្មណ៍លើខ្សែការពារប្រេស៊ីលវ័យ 17 ឆ្នាំ